影片
更多
2024-09-11
2088 浏览
成日话跑马地有两间越南河好好食，讲咗咁多次，问完跑马地街坊做好功课，就决定嚟到呢间，Banh Mi pate。听人讲话佢嘅顺化牛河系出名，点知原来法包原来系重点，本来谂住食火车头河同顺化牛，即刻转做食法包加顺化牛河。顺化牛河上次喺岘港都好想食，可惜太饱食唔到，反而喺呢度嘅顺化牛河都唔够胆讲算唔算正宗，辣辣地嘅汤底，大量唔同牛嘅部位，个人最钟意牛腱，选了无咁挂汤嘅檬粉，但整体感觉唔错。听人讲佢嘅炸嘢都好出色，本来想叫多个炸鸡翼汤河，最后惊太饱都系净系单点一个炸鸡翼就算，炸物出色，简单便试到师傅嘅功架。佢嘅招牌法包包括肝酱，烧肉片，熏蹄，扎肉，越式酸菜，芫荽，法国牛油，青瓜，同上次系湾仔食嘅品味唔同，肉嘅款式较多，肝酱反而得一种。个法包同上次一样做得好脆，听店家讲都系自家制法包，爱品味者一定要过来一试。另外，法包可以选辣同唔辣，跑马地街坊建议要食辣，跟住佢嘅建议就算唔食辣嘅都话可以接受。我都几钟意呢间餐厅嘅氛围，至少我喺呢间越南餐厅见到蛋咖啡嘅出现，呢个来自岘港嘅名物，香港无乜餐厅见到，不过由于唔算太肚饿，反而点咗越式咖啡。唯一要投诉嘅系，佢嘅越式咖啡唔系喺你面前滴漏，不过佢喺Menu度都
成日话跑马地有两间越南河好好食，讲咗咁多次，问完跑马地街坊做好功课，就决定嚟到呢间，Banh Mi pate。
听人讲话佢嘅顺化牛河系出名，点知原来法包原来系重点，本来谂住食火车头河同顺化牛，即刻转做食法包加顺化牛河。
顺化牛河上次喺岘港都好想食，可惜太饱食唔到，反而喺呢度嘅顺化牛河都唔够胆讲算唔算正宗，辣辣地嘅汤底，大量唔同牛嘅部位，个人最钟意牛腱，选了无咁挂汤嘅檬粉，但整体感觉唔错。
听人讲佢嘅炸嘢都好出色，本来想叫多个炸鸡翼汤河，最后惊太饱都系净系单点一个炸鸡翼就算，炸物出色，简单便试到师傅嘅功架。
佢嘅招牌法包包括肝酱，烧肉片，熏蹄，扎肉，越式酸菜，芫荽，法国牛油，青瓜，同上次系湾仔食嘅品味唔同，肉嘅款式较多，肝酱反而得一种。
个法包同上次一样做得好脆，听店家讲都系自家制法包，爱品味者一定要过来一试。另外，法包可以选辣同唔辣，跑马地街坊建议要食辣，跟住佢嘅建议就算唔食辣嘅都话可以接受。
我都几钟意呢间餐厅嘅氛围，至少我喺呢间越南餐厅见到蛋咖啡嘅出现，呢个来自岘港嘅名物，香港无乜餐厅见到，不过由于唔算太肚饿，反而点咗越式咖啡。
唯一要投诉嘅系，佢嘅越式咖啡唔系喺你面前滴漏，不过佢喺Menu度都事先张扬你听，喜欢与否，阁下决定。另外佢加钱饮特饮都几平，热柑桔蜜都系$8，算唔错。
整体感觉都几好食，几正宗地道，相反另一间跑马地名店Viet又有冇人食过可以分享呢？
张贴
