大良泗記

营业中

休息中

之前第一个食评我都提过,呢间食肆我由细帮衬到大,而家位置正裕景坊,【佳宝冻肉超市】对面熟食亭,由中间巷子直入右边第一间就系。近日午饭时间,我一得闲就会返附近老妈子家,带我差不多年迈八十岁老妈子,去呢间都系我细个,老妈子带我去【大良泗记】食饭。咪睇我老妈子一把年纪,连牙都差唔多冇哂咁滞,但佢每次都系同我一样,要叫一大碗饭连加底(加一个白饭底)。我每次都系食(排骨饭加底加排骨汁$21-),而我老妈子就食(梅菜肉饼饭加底加色加排骨汁$21-)。每次我都能够将一大碗加底饭食哂,而近年我老妈子可能牙少,导致进食较慢及冇咁开胃,如果食唔哂就用外卖兜装返自己屋企,留番晏再当下午茶医肚。两个侍应阿姐都好好记性,我每次同老妈子去,佢两个都记得我两母子食乜,净系讲照旧就得非常体贴。其中一个阿姐,仲学埋附近面家【嘉丽园】咁,颈戴住个【米高积逊】无线咪高锋,用大声落order,应该系现场蒸饭时蒸气声、及现场食客嘈杂声影响,所以要配戴一个扩音咪,先可以清楚落order 。近日天气都开始热,如果再热落去话,我都多数会买外卖返去食,因为现场冇冷气始终都减低胃口。不过如果气温可以接受,我都会选择现场食,因为堂食始终觉