影片
更多
2013-03-30
14 浏览
讲开家常便饭，老婆就唔嫌麻烦钟意晌屋企煮，因为真正做到无味精、少油、少盐，我哋所做嘅菜式真喺好家常，蒸鲩鱼、蕃茄蛋、煎吓红衫、豆豉蒸排骨、榨菜蒸肉片、煎鸡翼、虾壳碎蒸水蛋、灼吓菜芯、生菜……等等。今日幸运被抽中，出席非一般家常嘅「家常便饭」新店优先试食会，试试佢嘅菜式有几「家常」？本应试食会可以带一个朋友去，最可惜喺老婆唔得闲，要小弟单拖一个，所以等我食埋佢𠮶份！「家常便饭」于旧年8月落户湾仔谢斐道，奥海城只喺第三分店，因为旧年10月已将第二分店设于深圳福田。由于喺新店优先试食会，包晒全场，足有80、90人。店铺以白色为主调，四周白色墙身，配以杏色皮椅，浅啡木枱，感觉朴实整洁，装潢简约。大多数喺4人活动式座位，可调配至6人、8人座，亦有部份卡位，而店嘅后方有啲圆枱，不过咁，有啲枱櫈拍得有啲逼。而最得意莫过于枱上张餐纸，成份报纸咁，里面有好多关于店家嘅介绍，缘来缘起，创办理念……等等都可以晌度揾到，最抵一栏犹如旧报纸啲分类小广告，原来全喺店家主打菜式及介绍，玩味十足！健康荞麦茶 $12 / 壶荞麦茶嚟自云南，功效就唔喺好识，呢家嘢老婆叻啲。但喺味道清新，麦味幽香，最钟意个茶壶设计，荞麦茶
「家常便饭」于旧年8月落户湾仔谢斐道，奥海城只喺第三分店，因为旧年10月已将第二分店设于深圳福田。由于喺新店优先试食会，包晒全场，足有80、90人。店铺以白色为主调，四周白色墙身，配以杏色皮椅，浅啡木枱，感觉朴实整洁，装潢简约。大多数喺4人活动式座位，可调配至6人、8人座，亦有部份卡位，而店嘅后方有啲圆枱，不过咁，有啲枱櫈拍得有啲逼。而最得意莫过于枱上张餐纸，成份报纸咁，里面有好多关于店家嘅介绍，缘来缘起，创办理念……等等都可以晌度揾到，最抵一栏犹如旧报纸啲分类小广告，原来全喺店家主打菜式及介绍，玩味十足！
健康荞麦茶 $12 / 壶荞麦茶嚟自云南，功效就唔喺好识，呢家嘢老婆叻啲。但喺味道清新，麦味幽香，最钟意个茶壶设计，荞麦茶包放晌中间滤心，绝无茶叶碎嘅「骚扰」，全透明壶身，唔使揭盖侍应都知何时添水。唯一喺保温能力低，所以有时侍应嚟添水都叫佢唔好住，免得太快又摊凉晒！
一边饮住靓茶，一边听靓女公关介绍。「家常便饭」可算得上喺季季红集团嘅副线，但提倡健康饮食态度，以3个生产线为骨干：第一线，将广东家常小菜打造一系列创意小菜；第二线，以自家有份投资嘅农场菜场所出嘅家禽同蔬菜，制作出星级版家常小菜；第三线，靓汤系列、外卖菜式，等客人可带返屋企跟家人分享。此外，奥海城依间分店仲增设咗烧味部，一道冰淋酱黑鬃鹅（帝皇鹅）更喺店家推介，堂食、外卖（需预订）均可。三层架特色拼盘 $210（6人用）
原本晌菜牌嘅三层架特色拼盘喺包括芝心花枝丸、香煎莲藕饼及秘制士多啤梨酱炸鱼块，供6人用，估计每款有6件。三层架特色拼盘亦喺店家嘅特色菜，今日都有机会品尝，不过就以莲藕咸蛋南瓜球取代咗芝心花枝丸。其实以上各款菜式都有散叫，个人觉得叫菜按自己口味，散叫心水仲上算，反正个价相差无几。
香煎莲藕饼 $70莲藕薄薄切片酿有猪肉，煎得焦香，莲藕片确喺几爽脆，猪肉几紧至，蘸上芥末蜜糖沙律酱，多份惹味之余，减少咗油腻感。当然，由于今日试食出菜以4人份，所以正价一份应该唔止4件嘅。
秘制士多啤梨酱炸鱼块 $70个人对炸鱼块嘅三大要点，第一就要够新鲜热辣，今日要应付80多人份量，同一时间出菜，放凉咗令热辣度大打折扣，有啲无奈；第二要炸得松脆，依方面就绝对达标，外层脆浆够薄，咬起嚟咔嚓作晌；第三就睇睇鱼嘅质量，龙脷柳肉质软滑，足以收货。而自家秘制粉红色嘅士多啤梨酱，淡淡士多啤梨味，带微酸，大胆啲增加酸度亦无妨。
莲藕咸蛋南瓜球 $70三个小菜，以依道南瓜球较得小弟欢心，主因都喺有南瓜啫。以南瓜蓉、咸蛋黄、莲藕粒搓成波波酥炸，不过讲就莲藕粒，但小弟不知何解细嚼几次都觉得似马蹄粒？外层几香脆，南瓜蓉好粉香，咸蛋嘅咸香就似乎唔多突出。
冰淋酱黑鬃鹅 $388（全只），$198（半只），$88（例牌）
冰淋酱黑鬃鹅喺店家今年最引以自豪嘅全新招牌菜，因为选材来自自家投资农场，系出佛山名门嘅黑鬃鹅，以走地方式饲养，皮下脂肪少。黑鬃鹅有3个份量，人多人少嚟点都得，今次我哋试到嘅喺半只，份量不少，6-8人食都可以呀。烧鹅外观色泽亮丽，金黄平均，皮薄香脆，肉质细致，鹅油甘香，肉汁丰盈，又真喺几得㖞。配上秘制冰淋酸梅酱，比一般酸梅酱感觉清甜顺喉，有助减低鹅肉肥腻感，都不愧为风味独到嘅招牌菜。
笼仔芹香芋荷炆黄油鸡 $78整餐饭最热腾腾就喺哩道菜，睇睇餐纸嘅介绍：「鲜嫩嘅黄油鸡，配以营养丰富嘅西芹菜及芋头梗炆香，再以荷叶包裹，荷叶香气渗透其中，口感层次丰富。芋头梗益肾气，健脾胃。」睇落都好似几厉害，个人而言，不过不失，一向都觉得啲荷叶菜式都唔多可以做到有荷香嘅境地，而鸡肉虽然不错，不过感觉似金针云耳蒸鸡一类，唔觉有咩特别，食完都唔会令人太有印象。
虾禾米蛋卷伴泰式辣酱 $78今次另一亮点推介，因为「季季红」一道虾禾米乳香猪，被米芝莲列为推介菜式，正所谓一登龙门自然升价十倍，「家常便饭」再下一城嘅承传菜虾禾米炸子鸡，亦好评连连，所以，再嚟依个虾禾米变奏版，当然抱有期望。不过，老套一句：希望越大，就失望越大。小弟唔知我依碟炒饭喺咪同所有人食到都来自同一煲饭，好老实，饭粒炒得唔够爽，香味无乜，虾米唔多，味道偏寡，蛋皮略厚。其实依道菜颇有创意同心思，我细妹都晌蓝地总店食过佢嘅虾禾米乳香猪，仲大赞特赞，所以小弟觉得依道菜水准不至于此，希望下次再帮衬喺有一番惊喜。
蟹籽桂花瑶柱炒韩式粉丝 $68创意小菜之一，差啲以为喺炒粉饭面，哈哈！公关介绍依道菜时有啲摸错，话粉丝中会渗出桂花香，实情喺貌似桂花嘅炒蛋碎啫。韩式粉丝晶莹剔透，不过嫌佢碎湿湿，虽然加埋上等瑶柱丝，但食落唔觉，味道偏淡较寡，至于蟹籽亦只喺面面一小撮，装饰大过实际。
蚝皇冬菇鲍鱼海参黑松露上海拉面 $288（2人份）除一众家常小炒，仲有一系列富豪必食精选，例如：富豪素翅鲍鱼叉烧饭（$138）、虾籽金砖鲍鱼（$128）……等等。而最后送上喺一道蚝皇冬菇鲍鱼海参黑松露上海拉面，要成$288一客，绝对要落足心机细尝。蚝汁所扣嘅冬菇、鲍鱼、海参都非常入味，浓香惹味；而上海拉面烟韧有弹性，添加埋黑松露酱，芳香悠扬，认真贵气。好有个性嘅面食，不过就花费不菲，相信唔会晌我嘅家常便饭中出现咯！
咪以为叫「家常便饭」就净喺可以嚟食晏或晚饭，佢哋一样有供应早餐（$25-$38）、下午茶（$24-$88，$88喺二人用嘅点心套餐），仲有别一般快餐店、茶记款式，好似醒神早餐B，鲜带子奄列，烟鸭胸通心粉，焗牛油脆猪仔包，配餐茶，都喺卖$38，喺咪都几吸引呢！以「家常便饭」湾仔店嘅水平，应该好唔错，虽然用料上好，做菜亦有心思，不过味道未有期望之高。总结嚟讲，新店仍需很多磨合，运作有待继续改进，始终一下子要应付80多人𩠌菜，要同一时间出餐上枱，确实唔容易。但信相以其管理可将问题慢慢修正，今次俾住个OK先，相信下次再嚟应该可以有个笑面，祝愿店家做出更多好菜，让更多人晌度食到非一般嘅家常便饭！藉此再次谢过店家邀请。
张贴
