金鶴拉麵 (閩街)

营业中

休息中

自己一直以来都好钟意去食日本嘢，今日行过呢度附近，上次嚟呢度食完拉面，今次决定嚟食佢嘅鳗鱼饭。佢嘅活烧蒲烧鳗鱼饭嘅特色就系会新鲜㓥鳗鱼，所以一个套餐$238 ，对于我来讲，虽然有少少贵，但都算系值嘅。经过15分钟之后，一整份套餐，就摆喺我眼前。佢仲特别附上香麻嘅调味粉，再配上面豉汤同埋芥辣八爪鱼作为前菜。用一个辣嘅食物，作为前菜，我觉得系特别开胃。佢嘅鳗鱼肉，系好大份，而且亦都好口，咬落去嘅时候系一旧完整嘅弹牙嘅鱼肉，喺个口里面慢慢溶化，每咬一啖嘅时候都好似咬紧一啖就一啖嘅肌肉。蒲烧嘅酱汁整得非常香，再配埋珍珠白饭，白饭都有鳗鱼味，我觉得整得几好。最后我叫咗呢度嘅Black Lager作结，味道完全唔苦，仲有一阵麦香味。