卓記粥店 (已結業)

我一向都好钟意食粥, 贪佢清清地, 而卓记一向都系我的首选, 一来因为在我家附近, 而且平又抵食, 次次都一大碗, 外卖贵过堂食$1, 原因都唔系因为收个外卖盒的钱, 而系因为外卖的份量会多D...我最喜欢食艇仔粥走牛肉, (因为我唔食碎牛的), 同埋皮蛋肉丝粥, 另外佢地的斋肠粉系我的favourite, 薄薄地, 每啖都好有口感, 唔似有D地方, 厚到不得了, 好似食粉团咁...建议加埋佢地的甜酱, 食到辣就加埋辣酱, 好味道....另外卓记的粥真系好平, $9有交易, 最贵都好似系$14...都系因为材料的问题先$14, 肠粉/炸两, 堂食$4, 外卖$5, 满满一盒, 虽然款式唔够一般粥店, 但都唔少选择, 而且够大碗, 粥又绵, 包你食完一定饱....最重要平......不过我外卖的原因因为地方真系细左D, 同埋有时候都觉得地板污糟左D, 所以我都系建议外卖走...