Cafe Charm's (已結業)

话说今日同朋友向到食晏，朋友话之前在黄埔食过唔错。但深水埗呢间，野食同饮品唔系难食禁简单，系好狠难食！以示公允我只评价自己个餐。我叫左黑松露蘑菇意大利饭。黑松露得好少好少，无香味，食黑松露杯面仲香过佢。然后d伪意大利饭硬到好似未熟咁，你估硬倔倔粒粒分明就系意大利饭咩？我食到un胃呀，囧。由于我太肚饿又唔喜欢浪费所以勉强食埋佢。但佢个份量少到我食完仲系好肚饿，个饭收我$94 加一，唔值啰比钱食生米。谂住同朋友倾计就加$15嗌杯大杯焙茶鲜奶（热）。卖相已经不讨好，一黎到个面起晒粒粒泡。哗我囧，饮完一啖，粉黎既！焙茶得苦涩味无茶味。我搅浑佢睇下有无好d。无呀囧～仲变左屎水咁既色，唔想浪费的我好折堕地成杯唔饮，再饮落去我真系呕。深水埗有好多好野食，但都有伏野，唔好见佢正皮多过负皮就觉得信得过。我觉得自己好似食紧屎，有图有真相。