臺北棧 (荷李活道) (已結業)

月底快闪台湾，睇开行程就更加挂住台湾菜。今日出开中环,就系open rice揾食,见到呢间check-in TAIPEI ，有好多好评咁，于是就wall in去试吓佢。未够六点已经排晒队，一够钟佢就开门俾人慢慢入去坐。去到台湾点可以唔食盐酥鸡，正如去到食台菜点可以唔叫佢呢。呢度嘅盐酥鸡炸得外脆内嫩，咬落去仲有少少肉汁添。再加上佢有两个几特别的酱汁，分别系黑松露芥末酱同柚子酱。黑松露芥末酱香浓得来又带点芥末嘅辣味，配合得相当出色，食落嘅感觉亦都唔会漏。柚子酱少甜中带微酸，配合炸嘢好能够开胃令你想食多几旧。不得不赞嘅系芭乐苦瓜汁，苦瓜味浓调配得十分之出色。甜品伯爵茶QQ芋圆亦有警喜，伯爵茶冻茶味幽香，一啲都唔会过甜，系整个甜品嘅精髓所在。食完见到出边有好多人等紧位，都唔好意思坐得太耐，快快买单就出去行下。