8鍋臭臭鍋 (金巴利道) (已結業)

系我认知里面，通常个名有「臭」字都系香的，臭草如是，臭豆腐更加系，我好钟意食臭豆腐，特别系台式的，因为唔系用炸的方式，冇阵油益味，更加好食。8锅系台湾过江龙，主打臭臭锅等多款锅物，唔理点边款，都系划一价$108，包一碗饭。黎得梗系点招牌臭臭锅，唔好以为只得臭豆腐，其实仲有猪肉、贡丸、猪红、大肠、鹌鹑蛋、榨菜、枝竹、粉丝、番茄、菜等等，臭豆腐只有四小件，略嫌有点喧宾夺主。臭豆腐嫩滑得来带有发酵的香味，但又唔会太浓烈，相信第一次食的都接受到。饮左几啖汤，觉得好似有少少沙茶香味，都唔错。至于其他配料，唔太特别，而且我唔食猪红，所以畀唔到comment，我只可以讲，要一个人食晒成锅嘢，真系有点难度，因为真系好多料，加埋碗饭，直头饱到上心口。唔钟意臭豆腐的话，仲有其他选择，好似呢个芝士牛奶锅都好受欢迎。材料大致同臭臭锅差唔多，但多左麻吉烧、鱼豆腐、蛋饺、乌冬，全部都好饱肚。牛奶汤加左芝士片睇落好腻，但味道冇臭臭锅咁浓，啱女仔食。如果觉得唔够味，枱上面有沙茶酱、豆瓣酱、豉油、蒜蓉畀你调味，店方有调味分量的黄金比例，可以照住落。不过有点隐忧，观乎光顾当日系星期六，又系饭市时间，都坐唔满人（已经系尖沙