吉豚屋吉列豬扒專門店 (已結業)

越区睇戏（好少戏院播2D了，差不多半价）。7:40pm 睇戏，当然选择食个靓先入场。少弟唔食牛，戏院旁就有呢间吉列豚肉专门店，至爱，二话不说啦。铺内有少少油炸味，但可接受。睇见餐牌d相，大大件吉列猪扒，猪柳，大虾。。。有选择困难添。。。决定：吉列大虾拼猪柳（$78）再加杯热柠蜜（$8）有汤，有饭，有菜丝（唔似日本椰菜，口感带点粗硬，亦冇免费添加。加菜要$9碟）。份量上冇欺场，味道亦不过不失。当然，唔应该跟好出名果间炸猪扒店相比，价钱系一开三（人地起码$280起仲未加一）。 因为近戏院，凭票可当$8用。咁价钱，有这样货式，满意。