添記燒臘茶餐廳 (已結業)

一盅饭，两碟点心，再加一盅茶，三十大洋，抵...环境及人都系地踎到极，全部客都系年过四五十嘅师奶同阿伯，全场最后生又系我唔知点解极之爱到呢D草根到极嘅食肆。嘢食平过人当然系其一原因，但我谂，𠮶种平民草根味先至系最大嘅吸引力...装修得富丽堂皇嘅餐厅，食到周身唔聚财，唔啱我...讲番嘢食。叫一盅凤爪排骨，饭有点湿，够色，排骨肥瘦有致，豉油偏甜。整体上不太差，水准当然不及大埔林记及土记嘅明珍好..见有春蛋烧卖，机不可失，即叫。三大件，下层嘅啄碎猪肉份量十足，食完后肚子感觉好充实，好饱肚，加埋上面嘅春蛋，真系饱上加饱。但面对如此美食，饱? 胆固醇? 早已抛诸脑后...见到不停有山竹牛肉出炉，好吸引，忍唔住再叫埋。又系斤両十足，虽食唔出陈皮味，但口感未致于完全淰pat pat，总算食得过...八卦，睇到隔篱叫嘅义鸡饭，饭堆到好似小山丘咁，面上再舖上晶莹欲滴嘅半肥瘦义，差D又想叫埋...咁点搅? 嚟个food marathon好唔好?