錦華粥粉麵

营业中

休息中

知道大埔个街市非常之壮观，我虽然系九龙人都好想入去朝圣一下，于是搭咗成个钟头车入去参观街市，顺便揾食。街市地下个肉档同埋鱼档非常之多选择，好精彩，如果我屋企楼下个街市系咁就正！二楼就系买干货嘅，我哋行咗一阵，就直接去揾食啦。熟食档位于3楼，店舖非常之多，人流极之畅旺，枱同枱之间非常之迫。基本上好难行人，上面粥粉面饭样样齐，病病地既时间拣左食粥。坐低叫咗碗菜干猪骨粥同埋咸肉粽，咸肉粽叫之前已经问咗阿姐咸肉粽有冇蛋黄，佢答我有。嚟到之后叉烂咗个粽，好难先揾到粒 蛋黄，粒蛋黄嘅大细得正常嘅四分之一，食咗入口都唔觉，仲有就系有旧肥猪肉，绿豆嘅份量又唔系好多，好彩佢鼓油较得几好味道食得晒，菜干粥个菜干份量都唔少，但只有淡淡嘅菜干味，胜在无沙…虽然大牌档啲阿姐忙得不可开交，但系佢哋都好耐心咁招呼…整体感觉还可以。