影片
更多
2022-02-21
265 浏览
天寒地冬又好想饮奶盖茶，原来荃湾路德围有几间外卖饮品店，买完先见到仲有REAL TEA，唯有放入bucket list 有机会再试。我系钟意饮奶盖多过珍珠，所以好多时行过外卖饮品店无奶盖我就唔会买。今日买左花羡沐岚既热奶盖抺茶及黑龙奶盖珍珠奶茶。珍珠都系黑糖珍珠，所以少甜会少珍珠所以饮返正常甜，问完尼杯我就唔记得左奶盖抺茶都系要少甜。热饮虽然加左冻既奶盖，但拎住个杯仲系会热到不停换手拎，冻天啱哂。因为冻既奶盖响上面，所以即刻饮都可以，因为我唔用饮管直接饮，就可以饮到半啖冻奶盖及半啖热抺茶，啱啱好可以响个口度沟返暖啖茶。奶盖尼讲，我系饮开芝士奶盖，亦饮过green common 既nutty 奶盖都唔错，普遍都系淡淡地够厚身咁就正路，但尼杯奶盖竟系都系抺茶味，饮第一啖觉得有少少失望，可能只系唔习惯，饮饮下其实同个抺茶好夹，愈饮愈觉得好饮，饮到最后仲要打开个盖lam埋D奶盖。另一杯饮品系黑龙奶盖珍珠奶茶，尼间店仲有一杯叫火龙奶盖珍珠奶茶，我问过有咩分别，火龙系用焦糖奶盖而黑龙系用黑糖奶盖。而尼一杯系买比朋友饮既，佢一见到尼杯野就话肯定好甜好正，饮紧时都不停话好正，珍珠煮得好稔好qq，黑糖又
我系钟意饮奶盖多过珍珠，所以好多时行过外卖饮品店无奶盖我就唔会买。今日买左花羡沐岚既热奶盖抺茶及黑龙奶盖珍珠奶茶。珍珠都系黑糖珍珠，所以少甜会少珍珠所以饮返正常甜，问完尼杯我就唔记得左奶盖抺茶都系要少甜。
热饮虽然加左冻既奶盖，但拎住个杯仲系会热到不停换手拎，冻天啱哂。因为冻既奶盖响上面，所以即刻饮都可以，因为我唔用饮管直接饮，就可以饮到半啖冻奶盖及半啖热抺茶，啱啱好可以响个口度沟返暖啖茶。奶盖尼讲，我系饮开芝士奶盖，亦饮过green common 既nutty 奶盖都唔错，普遍都系淡淡地够厚身咁就正路，但尼杯奶盖竟系都系抺茶味，饮第一啖觉得有少少失望，可能只系唔习惯，饮饮下其实同个抺茶好夹，愈饮愈觉得好饮，饮到最后仲要打开个盖lam埋D奶盖。
另一杯饮品系黑龙奶盖珍珠奶茶，尼间店仲有一杯叫火龙奶盖珍珠奶茶，我问过有咩分别，火龙系用焦糖奶盖而黑龙系用黑糖奶盖。而尼一杯系买比朋友饮既，佢一见到尼杯野就话肯定好甜好正，饮紧时都不停话好正，珍珠煮得好稔好qq，黑糖又好甜好好味。而佢老婆饮完就觉得咪又系珍珠奶茶，佢老婆仲觉得佢系因为尼杯有奶盖所以佢老公会觉得好饮。
我落order 时完全无人等，大约等8分钟饮品就准备好，但等候期间开始要排队所以饮品准备时间可能会耐少少。
张贴
