影片
更多
2009-11-21
91 浏览
得12度...真系唔想离开被窝...可能天气冻咗啦, 成日都想食野暖吓,一朝早食返个热辣辣嘅早餐, 一杯热奶茶,系令我回魂醒神嘅好办法!!所以今朝极力抵抗寒风爬起身, 都要出去揾食...落到街已经冻到呢...经过太兴...平时好少食,企喺门口睇吓有咩食...但门口实在太大风啦...企唔够10秒就冲咗入去...可惜又系坐近门口, 依然大风...Anyway, 早餐呀~~ 我要食早餐呀!!!此时侍应哥哥竟然比我更心急, 我一坐底到拣野食, 佢都全程企系度等我落order, 都几有压力...谂咗一阵, 仓促咁叫咗个B4...沙爹牛肉肠仔米粉+热奶茶 ($24) ! 沙爹牛肉肠仔米粉 :落order 2分钟左右已经来到, 几大碗, 牛肉份量不少, 可惜又系犯下一般茶餐厅嘅毛病, 就系牛肉用梳打粉系腌到好滑, 但味道已经变得无牛肉味, 同埋食到d酒味, 应该加咗烧酒腌肉, 我个人来讲就唔多钟意, 沙爹味未见突出, 油多咗d, 米粉亦煮得太稔...但肠仔唔系平时个d鸡肉肠, 系西式个d香草肠, 肠仔几好食! 加上一大条菜心, 都勉强合格啦~ 热奶茶 :好彩食完碗米粉先到, 如果唔系唔驶一阵就吹
可能天气冻咗啦, 成日都想食野暖吓,
一朝早食返个热辣辣嘅早餐, 一杯热奶茶,
系令我回魂醒神嘅好办法!!
所以今朝极力抵抗寒风爬起身, 都要出去揾食...
落到街已经冻到呢...经过太兴...平时好少食,
企喺门口睇吓有咩食...但门口实在太大风啦...企唔够10秒就冲咗入去...
可惜又系坐近门口, 依然大风...
Anyway, 早餐呀~~ 我要食早餐呀!!!
此时侍应哥哥竟然比我更心急,
我一坐底到拣野食, 佢都全程企系度等我落order, 都几有压力...
谂咗一阵, 仓促咁叫咗个B4...沙爹牛肉肠仔米粉+热奶茶 ($24) !
沙爹牛肉肠仔米粉 :
落order 2分钟左右已经来到, 几大碗, 牛肉份量不少,
可惜又系犯下一般茶餐厅嘅毛病, 就系牛肉用梳打粉系腌到好滑,
但味道已经变得无牛肉味, 同埋食到d酒味, 应该加咗烧酒腌肉,
我个人来讲就唔多钟意, 沙爹味未见突出, 油多咗d, 米粉亦煮得太稔...
但肠仔唔系平时个d鸡肉肠, 系西式个d香草肠, 肠仔几好食!
加上一大条菜心, 都勉强合格啦~
热奶茶 :
好彩食完碗米粉先到, 如果唔系唔驶一阵就吹到变招牌无冰冻奶茶...
热奶茶温度够, 可以再热d, 饮落味道顺口,
茶味唔单调, 饮落唔会有茶味过浓嘅涩味留喺口腔,
奶份量落得恰到好处, 唔会过多盖过茶味,
亦唔会过少令奶茶唔够香滑,
我一向对连锁式茶餐厅快餐店嘅奶茶水准系有保留,
不过呢度嘅热奶茶真系令我改观,
真系要赞赞水吧冲奶茶嘅功力!!
希望佢地继续保持水准啦~
食物只系"OK", 杯热奶茶就系" 笑 ",
以下评分都系睇在杯热奶茶份上...如果可以个别评分就好啦...
张贴
