二家姐正宗原味麻辣火鍋

营业中

休息中

一睇個subject就知道我係為素腰花而黎既❤❤其實都唔係第一次黎，因為佢係好食到我會再次幫襯! 朋友亦都係嗜辣之人，所以湯底選擇左辣，另外再加個藥材白湯。始終有部份食材係落白湯會比較合適。白湯一到可以先品嚐一下未落任何材料既味道，喜歡飲藥材湯既朋友會鍾意。除左素腰花，另外必定會點既就係炸淮山，寬粉同陳皮魚旦。新鮮炸好既淮山再加上少許椒鹽，可口得黎又帶點健康嘅感覺! 相信陳皮魚旦係好多香港人既回憶，不須多講。而寛粉係好似闊左既紅薯粉，煙煙韌韌，而且因為面積闊左，所以索湯既效果亦非常之好