大記攦粉糕點專門店 (已搬遷) 新店位置

呢度咁多人话攦粉好食，今晚放工后，我就黎「寻舖记」啦~都系自己懵下懵下，行左少少冤枉路，however，最后我都成功到达。原来，间舖头都唔系好难揾啫~讲返野食，当我一打开个餐牌...哗~ 咁便宜既?? $15至 $18一碗，最贵既都只系 $20!!! 最后，我拣左我爱既腩肉攦粉配酸辣汤。另外，我朋友就拣左墨丸攦粉配麻辣(仲要系大辣)，我地仲叫左萝白糕及马蹄糕各一件、炸鸡翼同炸墨鱼卷。炸鸡翼﹕一般啦，起码都唔系干柴。萝白糕及马蹄糕﹕两件都系煎既，都算足料，味道唔错~ 不过，如果可以再热d既，咁就仲好喇炸墨鱼卷﹕呢味真系好热呀!!真系十分之「正」!!呢款小食真系好弹牙，good~腩肉攦粉配酸辣汤﹕第一啖入口既系腩肉，好味呀!! 厚薄适中，合我心意d腩肉肥肥地，系我既至爱，真系...好味到唔识得形容!!!攦粉内既配菜都好好味，我朋友唔食俾埋我，真系开心~酸辣汤都唔错，虽然未至于劲辣，但都唔错既~ 唔系好食得辣既就可以一试!!(食辣既我就要加多几匙辣椒油啦~)墨丸攦粉配麻辣﹕虽然我个朋友叫左大辣，但劲食得辣既佢就一d都唔觉得辣啦...我觉得佢既味蕾已经死哂... 佢俾左粒墨丸我食，都唔错既..