影片
更多
2015-07-30
1337 浏览
从朋友口中得知油麻地有间嘢叫澳门仔，开宗明意就系主打澳门美食啦，等我上openrice睇到佢有咩好嘢食先，见到啲野食卖相好吸引，咁我假假地都系一个澳门人，当然要支持下澳门嘅美食啦。好似海鲜乳猪煲咁，我即刻回想起几年前喺澳门新濠x第一次试呢个煲，果种鲜甜简直一试难忘，之后再返澳门时都有试过去其余两间丰x美食同水佬x，所以今次专程嚟都系为左回味呢个煲咋，另外当然有澳门驰名嘅猪扒包啦，我真系由细食到大，真系好钟意澳门嘅美食呀。 今晚又约左几个朋友嚟开餐，收工就约在油麻地站A1出口等，一出站行到砵兰街转右行几步就到啦，非常就脚。澳门仔门面好光猛，舖位都几大，枱与枱间够阔落，旺区之中算坐得几舒服，就当晚所见，人流不绝，仲越夜越多人添，好在侍应人手充足，服务亦都好周到。睇见个餐牌已经食指大动啦，净系睇特式火锅呢版都已经有选择困难症了，张张相都咁吸引。另外一版系串烧同小食，有盐烧鲜鲍鱼仔、A5和牛、鹅肝多士...，真系花多眼乱，样样都好吸引呀。 最后我都系要叫返个 海鲜乳猪猪骨锅试下先。一上枱就感受到果种震撼，好大堆头呀 。 面层有 蟹，中虾，大花蛤，再落有乳猪，鸡脚，大大旧嘅猪骨，最底
今晚又约左几个朋友嚟开餐，收工就约在油麻地站A1出口等，一出站行到砵兰街转右行几步就到啦，非常就脚。
澳门仔门面好光猛，舖位都几大，枱与枱间够阔落，旺区之中算坐得几舒服，就当晚所见，人流不绝，仲越夜越多人添，好在侍应人手充足，服务亦都好周到。
睇见个餐牌已经食指大动啦，净系睇特式火锅呢版都已经有选择困难症了，张张相都咁吸引。另外一版系串烧同小食，有盐烧鲜鲍鱼仔、A5和牛、鹅肝多士...，真系花多眼乱，样样都好吸引呀。
最后我都系要叫返个 海鲜乳猪猪骨锅试下先。一上枱就感受到果种震撼，好大堆头呀 。 面层有 蟹，中虾，大花蛤，再落有乳猪，鸡脚，大大旧嘅猪骨，最底一层有粟米，芽白，萝卜等等。初时睇见个价钱觉得有点贵，但一嚟到后见到咁大煲足够4个人食饱，就觉得简直超值，计落好过食任食火锅啲普通嘢啦。
海鲜乳猪猪骨煲
$528
121 浏览
1 赞好
0 留言
48 浏览
0 赞好
0 留言
炭烧猪扒包
$28
99 浏览
0 赞好
0 留言
宝箱藏金鸡
$98
47 浏览
0 赞好
0 留言
原条蒜蓉烧茄子
$40
90 浏览
1 赞好
0 留言
原个椰青大菜糕
39 浏览
0 赞好
0 留言
题外话/补充资料：
一间店里面有齐火锅、烧烤、冷盘、炒粉面饭同埋小炒咁多元化，但都能够保持到每样食物嘅质素，真系唔简单，其实澳门人都好咀叼，可见老板对食物都有一定要求和坚持。
其实好多年前喺澳门真系随便揾间小店都觉得好好食，但当一出左名，人流多左，生意做都做唔切时，仲边有咁多心思同时间做好每道菜呀。好记得以前喺沙梨头有档街边档叫细龟炒面，炒面炒到街知巷闻，而且愈夜愈旺，但只得细龟老板一个人炒，日日忙到无停手，无休息，最终不但食物质素下降，连老板都挨坏身体，而家已经再唔见细龟了，真系好可惜。
(以上食记乃用户个人意见 , 并不代表OpenRice之观点。)
张贴
