影片
更多
2021-10-25
285 浏览
话说啱啱个星期六朝早，我同老公行过呢间嘢，见呢间嘢新开无几耐，又几多人，老公话想试下。入到去坐低，我同老公落单各自叫咗个早餐，我叫咗个蕃茄汤通心粉，跟个多士火腿同蛋，我再三要求转熟蛋，因为我怀孕5个月，唔可以食生嘢。落完单之后3分钟都无，真系3分钟都无，好惊讶，我碟通粉就到咗啦，我仲同老公赞佢地好快手。点知恶梦就开始啦，食个通粉落口后发觉通粉个温度只系暖而吾系热，个温度甚至近乎室温。我个心都打个突，谂住试多几啖，再三确认会唔会系错觉，但最终确认个食物系室温凉凉地嘅，所以个通粉食左几啖就停咗口无食啦。一心谂住算啦，等个多士火腿同蛋黎，食翻D热嘢暖下个胃，费事换啦。但等左大约廿分钟，老公都食完佢个早餐，我个火腿煎蛋同多士都未到，最终系催左两个吾同既侍应后，个蛋终于黎咗啦，但系。。。点解系生嘅😥个一刻谂，可能厨房太忙，吾记得咗要转熟蛋，但因为我大肚吾食得生嘢，所以唯有要求个侍应换返只熟蛋，同时再三提醒要熟蛋。隔咗一阵，个蛋又返黎啦，但系。。。都仲系生嘅😡😡今次真系嬲嬲地啦，我都已经吾系要求D嘢要新鲜滚热辣，通粉冻都吾紧要，系未煎熟只蛋真系咁难？！第二次要求侍应再转，再三表明我大肚，吾可以食生
落完单之后3分钟都无，真系3分钟都无，好惊讶，我碟通粉就到咗啦，我仲同老公赞佢地好快手。
点知恶梦就开始啦，食个通粉落口后发觉通粉个温度只系暖而吾系热，个温度甚至近乎室温。我个心都打个突，谂住试多几啖，再三确认会唔会系错觉，但最终确认个食物系室温凉凉地嘅，所以个通粉食左几啖就停咗口无食啦。
一心谂住算啦，等个多士火腿同蛋黎，食翻D热嘢暖下个胃，费事换啦。但等左大约廿分钟，老公都食完佢个早餐，我个火腿煎蛋同多士都未到，最终系催左两个吾同既侍应后，个蛋终于黎咗啦，但系。。。点解系生嘅😥
个一刻谂，可能厨房太忙，吾记得咗要转熟蛋，但因为我大肚吾食得生嘢，所以唯有要求个侍应换返只熟蛋，同时再三提醒要熟蛋。隔咗一阵，个蛋又返黎啦，但系。。。都仲系生嘅😡😡今次真系嬲嬲地啦，我都已经吾系要求D嘢要新鲜滚热辣，通粉冻都吾紧要，系未煎熟只蛋真系咁难？！第二次要求侍应再转，再三表明我大肚，吾可以食生蛋，有机会有李斯特菌，对BB有危险，希望佢地帮手要求厨房整全熟蛋。到第三次只蛋黎到，都系生嘅？🤬🤬🤬我真系放弃啦，吾食啦，走人啦！！
去到柜台比钱谂住反映下，话D食物吾够热，要求个蛋全熟但三次黎到都系生嘅，个收银竟然好无礼貌又好串咁话无可能，仲反问返我有无要求熟ga? （可能佢系老板，吾恨做我地呢d小市民生意），我答佢有，我有要求转熟蛋，佢就冷冷闲好不屑咁答一句，咁我帮你反映下啦⋯⋯真系。。好想🤬🤬🤬🤬🤬
不过错在我，吾应该拣呢间垃圾餐厅，连最基本嘅要求，食物要热佢都做吾到，我想D蛋系全熟嘅呢个要求，对佢地黎讲可能实在要求太高啦，奉劝大家如果吾想贴钱买难受，就吾好帮衬呢间嘢啦，除非你自问EQ高到爆登，个人佛心到可以吾介意佢地D无礼嘴脸，咁欢迎你不妨去测试吓自己忍耐力
20 浏览
0 赞好
0 留言
张贴
