博洛尼亞 (已結業)

放假又食TEA，好挂住博洛尼亚既面包，而家得番一间分店，所以尊程走到去沙田。好彩餐厅够大，坐得满满都仲有位。由于一起身未食野，好肚饿，决定叫个饱肚啲既意粉，白汁三文鱼杂菌意粉，肯定唔会衰得去边啦(我估）。再加＄38配埋汤，面包，饮品，为左个面包，唔系唔加呀麻？个红汤唔好讲喇，酸都核爆，仲要唔热，外国人系饮冻汤？SORRY我呢啲香港人真系饮唔惯。 面包系抵赞既，外皮香脆，内层松软，加埋牛油，哗！食完直情唔想再食其他野盖左个味。野饮叫左Mango Yakult, 卖相几靓，酸酸甜甜，夏天好岩饮，岩晒我呢种阳光少女白汁三文鱼杂菌意粉，料足够多汁，捞埋见到每条意粉都可以沾到白汁，因为我就最唔钟意见到啲意粉干憎憎，点食啫。闻落去系好香三文鱼味，但问题系...咸到叫㖞，唔通系我热气食野特别咸？唔系啰，my gf都话真系好咸...我估系因为用啲奄左既烟三文鱼煮再放埋盐令成件事好咸，希望厨师们上菜前都自己试下味觉啦，如果唔系客人会肾亏架