影片
更多
2022-05-16
501 浏览
原来启德都有一间咁休闲嘅Cafe，今日就等我过嚟叹吓同试吓佢哋嘅嘢食先，虽然系全落地玻璃但出面嘅景观竟然系一个地盘，咩心情都冇晒😩但佢入面嘅装修都唔错既，简朴得来又够时尚，即管睇吓佢嘅嘢食如何先佢呢一度有set lunch，我哋嗌咗一份日式滑蛋鳗鱼盖饭同埋至尊烤珍宝蘑菇手打(美国)牛肉双层芝士汉堡配薯条及沙律，另外叫咗两杯咖啡同埋一个甜品🏵🏵🍱日式滑蛋鳗鱼盖饭，份量都几大嘅，整个饭嘅材料都系有鳗鱼，蛋，同埋饭，鳗鱼方面其实都好难整得难食，佢嘅鳗鱼都唔错嘅，酱汁都多，唔会太咸，厚身又爽口，蛋既方面都OK嘅，都滑身，但佢嘅饭真系令我好失望，最重要嘅系佢竟然唔系日本珍珠米，做得日式嘅鳗鱼饭梗系要用珍珠米㗎啦😕，话晒佢都成旧水一碗，成个配搭真系唔衬🤷🏻♀️🍔 至尊烤珍宝蘑菇手打(美国)牛肉双层芝士汉堡配薯条及沙律，汉堡嘅整体都唔错嘅，佢嘅手打牛肉系几 juicy，又够厚，又唔会好老，但珍宝蘑菇就反而细旧咗啲，就咁影相都唔系好见到有蘑菇喺度，薯条都冇咩特别，份量都适中嘅，⚠️但我最想讲嘅就系佢哋个沙律，佢每一个餐都有一份沙律，我想讲我唔知𠮶啲系咩菜嚟，但系真系超生，佢生嘅程度系硬再加干，个质感好似
佢呢一度有set lunch，我哋嗌咗一份日式滑蛋鳗鱼盖饭同埋至尊烤珍宝蘑菇手打(美国)牛肉双层芝士汉堡配薯条及沙律，另外叫咗两杯咖啡同埋一个甜品🏵🏵
🍱日式滑蛋鳗鱼盖饭，份量都几大嘅，整个饭嘅材料都系有鳗鱼，蛋，同埋饭，鳗鱼方面其实都好难整得难食，佢嘅鳗鱼都唔错嘅，酱汁都多，唔会太咸，厚身又爽口，蛋既方面都OK嘅，都滑身，但佢嘅饭真系令我好失望，最重要嘅系佢竟然唔系日本珍珠米，做得日式嘅鳗鱼饭梗系要用珍珠米㗎啦😕，话晒佢都成旧水一碗，成个配搭真系唔衬🤷🏻♀️
🍔 至尊烤珍宝蘑菇手打(美国)牛肉双层芝士汉堡配薯条及沙律，汉堡嘅整体都唔错嘅，佢嘅手打牛肉系几 juicy，又够厚，又唔会好老，但珍宝蘑菇就反而细旧咗啲，就咁影相都唔系好见到有蘑菇喺度，薯条都冇咩特别，份量都适中嘅，⚠️但我最想讲嘅就系佢哋个沙律，佢每一个餐都有一份沙律，我想讲我唔知𠮶啲系咩菜嚟，但系真系超生，佢生嘅程度系硬再加干，个质感好似食紧草咁，放咗落口3秒到就吐返出嚟，真心难食😵😵⚠️
☕️我哋叫咗两杯咖啡，一杯系Flat White,一杯系班兰鲜奶咖啡，其实睇个样真系两杯都一样样，颜色都一样，完全冇分别，饮落先知边一杯系班兰味，我觉得有少少唔系好夹咖啡，佢个味有啲淡，饮落好似咖啡还咖啡，班兰还班兰咁，整体咖啡冇咖啡味，又唔系好浓，奶又唔够香，Flat White果杯系带酸既，觉得麻麻地😐😐
🧇班兰椰香椰丝糯米窝夫配雪糕，都讲过啦，我个人比较钟意食班兰既野，呢款一定要嗌嘅，卖相睇落去唔错，窝夫大大件，呢个组合几特别，有糯米果下系有惊喜嘅，但食落都系有啲失望，首先应该系啱啱整好既关系，所以都热嘅，但佢嘅窝夫系淋身，只有少少脆，基本上里面都系淋，第二，班兰既味又系好淡，但又未至于冇味嘅，第三，佢嘅糯米真系好似芒果糯米饭嘅质感咁，但又系完全冇味，好似求其将啲嘢切上去咁，其实最重要𠮶两样嘢都做到咁，成个甜品嘅精髓都唔喺度😕😕，所以基本上对佢哋既嘢食都系失望，价钱都唔平，要$118，贵过主食，所以睇吓你哋觉得值唔值啦🤷🏻♀️
张贴
