碰麵 (已結業)

午市bang bang声揾食，唔想食饭，见到门口有个面字，人又唔多...(查实系少到有人企响门口招客) 食左先算，名叫碰面，logo设计都好似系食日本面，但原来系车仔面，唔紧要车仔面通常好食......我错，超错!!日本腐皮+午餐肉+肠仔+米粉，跟猪骨汤底....首先，个汤系猪骨汤(稀释5倍)，腐皮淡口甜甜地有点怪味，直觉认为系变左味，午餐肉，你唔会觉得系猪肉，都有可能系肉，但又梅又核凸的货色，肠仔同午餐肉都系同一个家族....个米粉系好食的，柠蜜都唔错的，但成碗野系可以用"吓亲人"来形容，实在好唔得。食野途中有几次好想望下个厨，一个点既厨可以煮到d咁难食既野，入d咁难食既货？佢自己有无食过？？系咪已经准备好....但我望佢唔到...会比多一次机会佢，不过肯定唔系食面。