泰廳 (已搬遷) 新店位置

香茅猪扒饭嘅猪扒肉质够腍、有啲干身、不过啖啖瘦肉、啲汁又几惹味同埋有微辣，应该有用胡椒之类嘅嘢腌过肉，但系完全无猪肉味(我就超中意佢无嘅)，整体来讲都系OK啲，送饭超赞!椰汁凉粉冰啲椰汁好香，但系啲凉粉啲凉粉草味唔够，又唔够烟韧，质感似啫喱，好唔好就见仁见智啦。不过，呢杯嘢原本20几蚊，配餐只需加6蚊，都算唔错架啦。香叶肉碎煎蛋烩饭(中辣)嘅猪肉味唔算好强、唔系太辣、阵香味超强同埋完全唔觉得淡，真系送几碗饭都得；卖相都几吸引嘅，有好多种颜色。千层糕好烟韧，唔算甜，但觉得有啲咸味，件糕食完饭食都得。整体来讲，成餐饭都好ok架啦。