影片
更多
2012-04-05
42 浏览
自从旧年晌北海道食O左腕超好味O既拉面之后，返到香港一直挂住O个一种满足O既感觉，上个月试O左两间坊好多人话OK O既拉面铺后感到非常失望，经网友介绍下禽日藉住假期去搏一搏，果然无令我同肥太太失望。到达时间系5点15分左右，一如我肥太太所料，清明应该少O的人，我地排第4同第5，等O左唔使十分钟已经入座。黎之前我已经做晒功课，我地同个都叫豚王，两碗都加蛋（15蚊只），肥太太加木耳（5蚊），我就加一份叉烧（十蚊），无几耐已经黎到，先试啖汤，名不虚传，好厚好有质感，比起横X好千百倍，又冇一X堂咁肥腻，而且真系无咩味精，饮完唔会觉得好口渴，明显系用Ｏ左大量材料去泡制！面系好幼细Ｏ个种，加埋蒜同葱去饮，无得弹，我阿妈成日自认煲猪骨汤点好饮，有机会都要带佢黎试试（虽然完全系两样Ｏ野），叉烧好薄身，有少少肥，入日易化，有少少肉香豚味，水准之上，所有Ｏ野加起黎令我觉得佢比唔少日本本土Ｏ既拉面仲要高几班，粒蛋真系冇叫错，中间真正流心，而且仲要系＂杰杰地＂甜甜地Ｏ个种，训身推荐。唔使十分钟我就食完一碗，睇到肥太太仲食紧，我就叫多碗黑王，真系咪讲笑，汤底比起豚王多Ｏ的一种甘甜，加埋由神秘黑球慢慢散出黎Ｏ既肉
到达时间系5点15分左右，一如我肥太太所料，清明应该少O的人，我地排第4同第5，等O左唔使十分钟已经入座。
黎之前我已经做晒功课，我地同个都叫豚王，两碗都加蛋（15蚊只），肥太太加木耳（5蚊），我就加一份叉烧（十蚊），无几耐已经黎到，先试啖汤，名不虚传，好厚好有质感，比起横X好千百倍，又冇一X堂咁肥腻，而且真系无咩味精，饮完唔会觉得好口渴，明显系用Ｏ左大量材料去泡制！面系好幼细Ｏ个种，加埋蒜同葱去饮，无得弹，我阿妈成日自认煲猪骨汤点好饮，有机会都要带佢黎试试（虽然完全系两样Ｏ野），叉烧好薄身，有少少肥，入日易化，有少少肉香豚味，水准之上，所有Ｏ野加起黎令我觉得佢比唔少日本本土Ｏ既拉面仲要高几班，粒蛋真系冇叫错，中间真正流心，而且仲要系＂杰杰地＂甜甜地Ｏ个种，训身推荐。
唔使十分钟我就食完一碗，睇到肥太太仲食紧，我就叫多碗黑王，真系咪讲笑，汤底比起豚王多Ｏ的一种甘甜，加埋由神秘黑球慢慢散出黎Ｏ既肉碎，食到我成头面汗鼻水都流埋都好，我都忍唔住KO到佢一滴不剩，仲要事后至知我唔记得影黑王添，认真失礼。我谂我以后晌香港除O左豚至之外唔会再食其他铺头O既拉面啰，当然世上应该有好多比佢出色O既拉面铺，但香港黎讲我估都无出其右啦~如果有O既讲各位兄弟姊妹介绍一O下~
题外话/补充资料：
原来逢星期一都有特别版限量拉面提供，好似特豚王、裹豚王同鱼王咁，下星期一公众假期我已经约好肥太太再去食过～
仲有配菜都好精彩，简单如任食O既雪菜肉丝都好过一般茶餐厅多多声~
(以上食记乃用户个人意见 , 并不代表OpenRice之观点。)
张贴
