丼丼屋 (已結業)

一向都钟意食日本野既我，不嬲都好钟意黎呢到食野，贪佢多选择，价钱又合理。星期四放工后未到七点，呢到都唔洗等位，2个人叫左2个餐，再加多2个小食，似乎有少少过多。吉列猪扒: 可以拣跟或者唔跟套餐，跟套餐既话就有埋白饭，味噌汤，日本萝卜同埋一些配菜。猪扒炸得又香又唔油，加埋秘制既汁真系好好味。滑蛋鸡肉丼: D蛋真系好嫩滑，加埋只半生熟既蛋拌饭真系唔错。呢个真系我既至爱，每次黎都一定会叫咁济。跟餐既话除左有沙律，味噌汤，仲有日本萝卜同埋一些配菜。松叶蟹肉沙律: 食起黎几开胃，D菜都几新鲜, 用左醒胃既酸沙律醋，蟹肉都好似少左d，但整体个味都几好。铁板野菌露笋牛油烧: 食左咁多肉，就梗系要叫返D菜食下啦，热辣辣既铁板加上香喷喷既牛油味，真系好开胃，加上野菌份量都算多，真系几吸引既。2个人叫左呢4样野，有点儿过多，唔转套餐或者叫少一个小食会好少少。