Ideas Dessert (已結業)

Ideas dessert食过2次，第一次系荃湾食，第二次系旺角食。第一次食系十分之有惊喜😍！食完一路都想翻去食，到第二次行行下旺角发现又开咗一间ideas dessert所以就入咗去食，点知呢间啲甜品系差一半有多😢到最近去开荃湾区又突然想食翻个芋泥甜品，决定再去找寻小店。细问之下，原来荃湾呢间同旺角果间系分开架！！咁介绍翻我最喜爱既甜品先。芋圆仙草盛 配芋泥($36) 呢个甜品真系食几多次都唔会厌，媲美康瑞。有仙草，芋圆，小丸子，红豆，西米，黑珍珠，芋泥。先讲我最钟意既芋圆先，系真系食得岀芋头味同南瓜味，超级烟韧，烟韧控最爱❤️ 其他食材食落都好唔错~ 但食哂一个甜品系真系好饱架😂另外三色果柠檬爱玉冻 ($32)都系夏日消暑良物。酸酸甜甜，十分开胃。入面仲有jelly咁既爱玉，好正☺️ 仲有芒果爆珠！香蕉朱古力千酥配豆腐雪糕 ($50) 唔系夸张，但我真系好钟意呢度既甜品🍮 个酥皮系几时食都咁脆。而豆腐雪糕都好有惊喜，豆味比岀面食到既更重，然后质感黏黏的，唔会话好冰感，好正😍