影片
更多
2010-11-30
6567 浏览
中国会既自助餐只系星期六午餐先有，因为好爆，所以要一早订位。有幸地被邀请黎依间私人会所品尝全港独一无二既纯中式自助餐，小弟真系荣幸非常，感激万分。第一次黎食已经爱上佢既食物，更顺理成章成为我最喜爱的buffet添。一入就被好靓既老夫子漫画围绕住，非常亲切。感受到中国会咁支持本地创作，好感动。到达十三楼，一出门就有几位姐姐仔热情地帮我地收摭，带我地入坐。唔知系咪阴天既关系，室内既灯光比较暗。行入餐厅时，经过一个好有五六十年代feel既电话间，摆放住转轮式既电话，好似时光倒流咁。接待处其他既装饰摆设都好靓，其中一个系图中既＂美女鱼池＂。餐厅入面既格局好似旧式茶楼，尤其系头顶𠮶把风扇。大家留意吓，连侍应们既服装都系同一个style架，真系非常衬托中式自助餐个主题。点解一个最怕自助餐既我会咁欣赏依餐呢？好简单：用料新鲜质优，食物攞出黎时好够滚热辣，好多重要系即叫即做；增添食物时更会不时推出新菜式，好有惊喜。 冷盘有皮蛋，煎糕，锅贴，猪脚仔，薰蹄，叉烧，芋角，咸水角，莲藕饼等等：因为依类食物太易饱肚，所以小弟当日主攻其他热食。唔忍得口既我见到Ｄ皮蛋色泽咁靓又咁流心都食左半只：mmm... 超
一入就被好靓既老夫子漫画围绕住，非常亲切。感受到中国会咁支持本地创作，好感动。
到达十三楼，一出门就有几位姐姐仔热情地帮我地收摭，带我地入坐。唔知系咪阴天既关系，室内既灯光比较暗。行入餐厅时，经过一个好有五六十年代feel既电话间，摆放住转轮式既电话，好似时光倒流咁。接待处其他既装饰摆设都好靓，其中一个系图中既＂美女鱼池＂。
餐厅入面既格局好似旧式茶楼，尤其系头顶𠮶把风扇。大家留意吓，连侍应们既服装都系同一个style架，真系非常衬托中式自助餐个主题。
点解一个最怕自助餐既我会咁欣赏依餐呢？好简单：用料新鲜质优，食物攞出黎时好够滚热辣，好多重要系即叫即做；增添食物时更会不时推出新菜式，好有惊喜。
冷盘有皮蛋，煎糕，锅贴，猪脚仔，薰蹄，叉烧，芋角，咸水角，莲藕饼等等：因为依类食物太易饱肚，所以小弟当日主攻其他热食。唔忍得口既我见到Ｄ皮蛋色泽咁靓又咁流心都食左半只：mmm... 超级糖心，自己喺街真系未必买倒。
热食当然唔少得喺西方人眼中最中式既点心啦：新鲜蒸出黎，皮薄馅靓唔黏牙，味道唔错。
小菜都有好几款：咕噜肉，琵琶豆腐，翠玉瓜炒牛肉，炒鸡丝配花胶丝，鹅掌（应例为大𩠌?），鲍鱼菇唐生菜等等：煮得好够镬气；虽然一路喺暖炉上，但系肉质唔会因而变干变老，献汁又唔一pat pat；青菜都有好几碟选择，爱食菜既哥哥话非常清脆爽口，＂正菜＂？
肉食中最出众既都可算系片皮鸭：独立既档位有专人带住手套企喺到为客人＂片鸭＂，加酱油同大蒜包制。只鸭重有烟出架，所以＂片鸭＂绝对唔容易，应该几辣手。鸭本身唔肥，亦唔嚡，咬落好juicy；如果大家好似我咁怕食包食饱，系可以叫哥哥仔净比鸭肉，甜酱，同大蒜既。
哗，好多海鲜呀：原条蒸鱼，鲍鱼，蛏子，避风塘炒蟹，干煎虾碌等。海鲜系最值回票价既，唔使问，小弟更系食到唔停得口啦。所有海鲜都好鲜甜，一d都唔腥，煮得亦唔会过熟，冇得弹。大家最好衬热食，因为好抢手架。
一定要向大家推介既系个粥档，即叫即煲，粥料真系好足料，有猪腰，猪膶，猪红，猪皮，牛肉，猪肉，鸡肉，肉丸，墨鱼丸等等比大家拣。唔怕胆固醇高既朋友一定要叫返碗虾膏粥黎试下：粥底本身好够味，虾膏好鲜甜，真系冇得顶，妈妈既favourite也。
粥档隔离系粉面档：都系即叫即做；云吞面，肥牛河，鱼蛋米，谂到既差不多都有。
最特别既系有师傅即场表演拉面，叫一碗拉一碗：拉面好弹牙，汤底好清。其实拍左两段影片，大家请先欣赏part 1：
唔钟意食粥同面唔紧要，因为有生炒糯米饭：炒得好干身，好香，同好入味。
甜品都好多款：有好甜既生果（当日最正既系芒果），煎推，牛油皮蛋挞仔，椰汁糕，红枣糕等等。最正既系即撞豆腐花，有专人分，所以桶内既豆腐花唔会烂哂。热辣辣既豆腐花清香嫩滑，正！
后记：
1) 值得一赞既系每当有客人唔小心整跌食物时，好快就会有人清理，效率奇高；地方永远都有人观察住，唔会污糟，非常卫生。
2) 好难得小弟食中菜唔会口干到要饮汽水，证明就算有味精都唔多。
3) 刚刚从友人口中得知中国会既自助餐比较大酒店既贵，真系有少少吃惊。不过人地真系比好多新鲜海鲜大家食bor。当然，如果佢提供埋鱼翅同燕窝，我谂会重爆啰。
4) 嘻嘻，唔知大家觉得在下用新相机拍出黎既相系咪好靓呢？！用左新学既＂立体一扫全景功能＂同＂合成浅景深效果＂架。
张贴
