越僑

营业中

休息中

认识越侨系多年前收到佢系公司附近派嘅传单， 公司喺中环头平时叫外卖都系周边熟悉嘅快餐店， 当时见到呢间新面孔真感到惊喜， 多年一直帮趁佢哋嘅茶餐为主因为款式多又好味。 之后同事发觉佢哋有网址，里面可以揾到餐单有各样食物分类、全日套餐、下午茶餐、party 美食，好方便而我就将网址储存以便不时之需。近年尾忙个不停仲要OT，唔想出去买外卖于是上网摷吓有咩好食， 终于拣咗越侨因为大家都喜欢有多样选择。 其实店距离我公司都几远，搭丁丁都要三、四个站而每次外卖都准时到达整整齐齐，赞！ 虾饼我至爱，表面炸到金黄内里淡粉红色虾肉非常吸引， 肉弹牙好有虾味，作小食不错。 香茅猪扒红饭系我每次午饭或晚饭必叫之一，红饭系茄汁炒过嘅饭越南菜常见，但以配牛柳粒为主，唔食牛嘅我可以选红饭配唔同肉类确实要like爆呀， 饭炒得粒粒都沾上茄汁但唔会过酸， 上面有一大槐香茅猪扒切成条状整齐排列，腌得入味香口，仲有一只煎到个边脆但蛋黄呈流心，蛋黄汁捞埋红饭食好味到难以形容， 唔好忘记旁边有好惹味嘅葱油同清新嘅青瓜、蕃茄。 一见到呢个丰富饭盒即感到十分满足。