鳥森 (已結業)

原来除左寿司之外，串烧都有Omakase，岩哂我呢啲有选择困难症既人😝今日系鸟森试左Mori Omakase，六百蚊一个人，性价比好高🤩包左8款唔同既鸡肉串烧、1款烧物、 2款主菜，另外仲有鸡汤同甜品。无谂过食串烧都可以饱住走🤣我最钟意呢度嘅月见团子，系碎左既鸡肉夹杂少少嘅软骨，咬落去好juicy，口感好丰富！配埋用左清酒、酱油腌制既蛋黄做酱汁，真系好好味！另外，鸡胸软骨平时都好少见有，佢地调味得好好，香辣炭烧味，送酒一流😘烧物方面，猪肋条唔会韧，而且仲有好多肉汁，呢个好惊喜。香喷喷，好好食！主菜方面，亲子丼饭入面有半熟嘅蛋同好滑嘅炭火鸡肉，啲饭配埋啲肉汁，食到停唔到口🥰