媽咪雞蛋仔 (已搬遷) 新店位置

今日系红磡附近口淡淡，醒起红磡有间妈咪鸡蛋仔，可惜去到先知佢搬左入民泰街，虽然比起原先既铺址冇咁就脚，但都唔算行左好远，行左一阵总算揾到呢间新舖！门面大左，装潢都靓左，但我最爱的鸡蛋仔依然都系咁好食！去到等左一阵，食妈咪鸡蛋仔要排队应该系常识吧... 但系今日都算几好彩，等左唔够十分钟就食到我想食既朱古力味鸡蛋仔噜，开心！佢既浓郁既朱古力味系我从手上接过黎已经闻到喇，因为果阵蛋味真系好香！当我将放入口中既时候，感受到既唔单止系预想中既朱古力味，仲淡淡蛋香味～加上外脆内软既鸡蛋仔质感，实在令人忘怀～最令我开心的系，D鸡蛋仔系有馅，而唔系得个空心脆皮架！！！ 果然名不虚传！