南記粉麵 (已搬遷) 新店位置

以前中环番工，生于无饭家庭的我日日都食又贵又难食的饭盒，想当年朋友介绍我食南记，一食就爱上个佢最出名的春卷！ 家下鲗鱼涌番工，遗憾是公司同屋企的附近都没有南记，食到的机会微乎其微。 今次一枝公去铜锣湾做treatment，谂住九点先搞掂，届时求其食串烧卖当晚餐。点知八点已经完工，可以食番个丰富d既晚餐架啦！ 铜锣湾食肆林立，但全部都唔系我杯茶！因为无。饭。脚！ 所以去食我的comfort food ，因为即使无饭脚都可以食得开开心心！以前南记汤底好简单，家下选择越黎越多，清汤太清觉得唔够满足，朋友讲小锅米线的酸辣好味唔太辣（因为我唔食得辣）就一于嗌春卷小锅米线啦！ 果然啱我心水，辣得啱啱好，酸菜够多，米线入晒酸辣汤底的味，令到简单的春卷米线更惹味又过瘾！等我仲怕辣，嗌埋杯冻柠茶。我习惯食完先饮野，一试有惊喜，原来南记的柠茶都唔错㖞！茶胆可媲美茶餐厅，又无苦涩味！如果下次又一枝公去铜锣湾，我都会再食南记！