百芳池上便當 (太古城中心)

营业中

休息中

以前搭长途台铁，总会买份便当，喺㗎火车度欣赏风景，然后会有一个台湾靓仔行埋嚟同我打招呼，问我目的地去边......发完白日梦喇，原来坐我隔离嘅唔系台湾靓仔，只系M佬；火车嘅风景亦只系太古城诚品嘅画面；但好彩仍然有份百芳池上便当，满足了。皮蛋豆腐豆腐香滑，酱汁浓郁，仲有Q弹皮蛋，绝对系最佳配搭。香酥炸鸡腿便当鸡髀即叫即炸，鸡髀成只手掌咁大，炸到金黄松脆，鸡肉嫩滑够Juicy。店员细心地将饭同鸡髀分开上，令鸡髀嘅油分唔会流晒落个饭度，饭面仲要铺满炒粉丝、菜甫、栗米粒、椰菜、 红萝卜丝同卤水蛋，分量十足，亦令食饭嘅时候多咗口感。香酥猪扒肉燥干拌面猪扒腌得入味，炸粉唔厚，成块猪扒够大块又无骨，最爱就系啖啖肉。拌面上有好好肉燥，有肥有瘦，比例啱啱好。芋头豆乳小芋圆充满丰富芋头香味，除咗芋熔，仲有芋头粒，芋香浓郁，劲有口感。伴随住芋头仲有豆乳，口味浓郁，同芋头非常之match。珍珠奶茶奶滑茶香，劲多珍珠，好解渴。