天吉屋 (已結業)

一入到去见到大部份人都叫天幕御膳，所以我都跟住叫。坐低咗冇耐，店员就拎咗个杂菜出嚟，另外配咗支柚子汁。夹埋一齐食，真系好开胃，食到停唔到口，识咗一阵就食晒要叫佢加。之后望多阵就见到有牛蒡嘅渍物，佢又整得几好味。配埋牛蒡茶，真系一绝。食咗一轮前菜，主角终于上场，望落去都几大份几吸引。佢个建议食法就系食咗个虾天妇罗先，佢只虾好浓味好鲜甜，个天妇罗汁都好有心思，入面有萝卜蓉同埋姜蓉。之后佢建议嘅第二个食饭，就系加佢个秘制嘅汁落埋饭一齐食，又系另一番风味，好快就食完一碗饭。已经饱咗大半，到佢最后𠮶个食法就系落埋鲣鱼汤，加咗芥末，同埋紫菜成件事即刻升华咗，全部炸物都冇得顶，系唯独个天妇罗洋葱式落去比较滞，不过最后都比我全部食晒。