宏發燒臘飯店 (已結業)

今日又去咗宏发烧味食午餐。好肚饿，坐低即刻叫个叉烧切鸡饭黎试下。唔够两分钟，真系唔够两分钟，一碟饭同冻柠茶已经上到台面。会唔会太快！又系咁大碟，正呀！最钟意食呢度既烧味，份量多，肉质靓。今次试佢个叉烧，一入口，好肥美，而且见到系好多叉烧，厚切架！好香好好味！食到叉烧好滑，唔会老，同埋味道唔会太咸，好有细个食烧味既味道。再试下切鸡，鸡肉煮得岩岩好，一d都唔老，好滑，好耐冇试过咁样既味道。虽然外表冇乜特别，但一入口就知道佢个功夫去到边。正呀！鸡肉好香，肉质整到好似海南鸡咁滑，但系又有切鸡既味道！而且成碟饭仲好热，食完好暖好满足！呢间系我钟意既烧味餐厅！好既烧味，特登黎食多几次都冇乜所谓。keep 住d质数呀！