小火焰韓式咖啡廳 (觀點中心) (已結業)

呢间韩国菜餐厅既午市晚市menu都试过，质素一直都几稳定，所以某日系观塘烦恼紧食咩好既时候，就即刻谂起呢度😋当日食左：🧀卡邦尼年糕($98+10%)呢个年糕份量好大，入面有烟肉同蘑菇，仲有一只温泉蛋系上面，由于屋企人唔食生蛋，所以就只系捞左落一边🤣年糕好软糯，所以唔会食到牙骹好攰。酱汁非常creamy，捞埋温泉蛋变得更好食，而且仲劲拉丝😍好好食，食左大半兜都唔觉得腻🐥炸鸡Combo($88+10%)←必点!💯入面有芝士薯条、甜辣炸鸡块同炸鸡软骨。每次嚟都一定会叫呢个set，因为真系好抵食！薯条除左上面有芝士酱，每一条都有芝士粉，食落甜甜地但好有芝士味，而且每条都好脆，炸得啱啱好👏🏻甜辣炸鸡既酱汁好好食，唔会太辣但好惹味，炸鸡就算沾满酱汁都依然好脆👍🏻炸鸡软骨份量好多，每粒都好香口，唔会太硬，忍唔住一口接一口系咁食🤤🍫糯米糍3.6牛乳雪花冰($78+10%)最后梗系要食返个甜品啦🍧雪糕球既朱古力味极浓，雪花冰底好绵，牛奶味都几出，配埋朱古力粉同杏仁片好夹。个人最钟意就系个糯米糍，皮好烟韧，入面既朱古力cream轻盈得嚟朱古力味好出，成个甜品都好好食，食完好满足💖