祥仔辣辣 (雅蘭中心) (已結業)

见到社交平台有推介，见🌶辣🌶辣🌶辣发哂癫，即时上openrice订位有开业优惠😍7:50到达，门口人山人海，但系入到去大约只有六七台客，1/4人都冇，原来只系隔离烧烤店嘅人潮🤪，心谂冇人食嘅，会唔会中伏🤨因为已经喺OpenRice度买咗个套餐，所以直接拣要几辣就可以😁😁前菜先上：木耳唔够爽，鸡肉尚算OK，但味道一般，连最期待嘅辣度都唔够，中辣都只系 谭X嘅5小辣程度😓终于主角出场，样子吸引，先饮啖汤，汤唔热腥到不得了，又唔酸又唔辣，再食下啲鱼虽然都算滑但系一啲味都无，干扁四季豆都系冻嘅，唔辣不特止仲觉得好甜添，之后嘅饺子小笼包完全冇期待😩其实佢嘅宣传做得好成功，介绍讲到好吸引，又惹火喷火又招牌又层次，又话星级名厨😤令到连一个唔食得辣嘅我我觉得嘥咗个quota，完全中伏🤬🤬🤬🤬不过都有值得一赞嘅地方，全间店得两个楼面员工，已经负责门口接待、带位入座、茶水、落单、传菜、埋单，一脚踢冇停过，想要一壶茶都等咗30分钟，虽然俾客人不断催促，但系礼貌服务一流全程冇黑面，最后仲细心问我哋菜式啱唔啱心水，经理值得一赞，系咁艰难嘅时间都尽心尽力，仲要系星期六周末黄金时间，咁大间铺竟然会得两个人做晒楼面所