翟道翟 (已搬遷) 新店位置

本人最钟意就系泰国野，江湖人称调景岭胡慧冲，食过既泰国野冇100间都有50间，身边既亲朋戚友都会黎咨询我边间泰国野好食。所以今日我就黎到观塘试下我人生唔知第几间既泰国餐厅。我叫左泰酸辣生虾沙律同埋泰三味鱼，两道送都系188，份量都几大，建议一家大细黎食。先黎左个生虾沙津，拌碟几搅靓，虾肉爽脆，个汁辣得黎又衬托到虾既鲜味，真系好正!之后再讲下个泰三味鱼，条鱼系炸过既，再淋上酸辣酱。个酱就系「三味」既来源。酸、辣、甜撞上炸过既鱼，除左好味之外真系谂唔到仲有咩可以形容。酸酸甜甜开胃得黎加上鱼既鲜味同辣味刺激你既味蕾，真系极上既享受。Overall，呢间泰国野真心唔错，高质抵食。可能有人会嫌贵，但系食好食既野就系要付出一定既代价先食到，呢个系世界既真理。推荐钟意食泰国野既朋友去试下呢间翟道翟。