維港灣餃子坊

营业中

休息中

年几前帮衬过维港湾旧铺，佢个碗充满家的味道嘅粉葛猪骨汤，清甜而且食落真喺无加味精，到宜家都记在心上。之后食过其他饺子店，都有食到好食嘅，但无一间做到维港湾个碗汤。今晚放工放得早，决定去佢元朗大马路新铺回味番。新铺喺大马路再行入去明渠附近，可以行埋附近啲街铺，最后去到餐厅。铺面就比旧铺细啲，墙上面都有挂啲搞笑嘅海报，睇完会会心微笑。今次都叫番佢招牌四拼，同埋试下个新口味-三重芝士饺，加杯豆浆。呢到无论你叫汤定煎，每份饺都配一碗靓汤。先饮啖汤，有猪骨香甜，完全食到鲜甜味道来自食材，绝不是以味精提味，是久违了的味道! 饺子依然皮薄馅靓，食呢个饺子一定要配埋佢地的辣菜圃，微辣又够咸香，我会额外再滴少少醋在馅中间，自制丰富层次。三重芝士饺中间有浓郁芝士和粟米，上面再铺一层芝士和鱼子。呢个带点fusion风格的饺子，令我想起元气和争鲜。浓郁的芝士，甜甜的粟米，还有独特口感的鱼子，味道新奇，配搭显趣味。