影片
更多
2018-07-10
39 浏览
十二味呢一个品牌，好辣既我自从三年前去过红磡第一间舖头 之后，一直都对呢个品牌梦萦魂牵，往后既不止是烤鱼，巴蜀江湖菜，贵阳牛肉粉同埋麻辣小当家，我都有一一捧场，今晚嚟到西环山市街店，场内同其它品牌旗下既舖头一样，一如以往地充满住讲普通话既食客，就知道呢个品牌既正宗值得我对佢一直挂念；十二味系列有一个特色，就系大部分思乡既食客都后生斯文，餐厅入面通常都不缺五官精致既美女，一间好食既餐厅，连食客都可以为餐厅增值。今次山市街既呢一间十二味，系装修得最骨子既一间，门口两个大红灯笼高高挂，有一块红底黑字嘅牌匾写住无辣不欢，彷佛就系我人生嘅写照；呢间分店 走既系中式亭台楼阁风，极富高档中式食店既意味，一入门口就有店员安排我地坐喺一张十分舒适既卡位，卡位同卡位之间有屏风阻隔，提高私隐度，同啲FD子大声啲倾计都唔怕。炝炒土豆丝，炝炒系川菜中对蔬菜类既一种好普遍既做法，所谓“炝炒”，就系用热油将花椒、干辣椒、蒜片既味道迫出嚟，等蔬菜入油之后再将呢股麻辣鲜香随即迫入食材里面，秘诀系锅热、油多、火猛，目的只有一个，就系令蔬菜保存住𠮶份水润清脆，令其既断生，又吸足味；土豆丝口感新鲜脆嫩，虽然被炝炒过，但系入口
十二味呢一个品牌，好辣既我自从三年前去过红磡第一间舖头 之后，一直都对呢个品牌梦萦魂牵，往后既不止是烤鱼，巴蜀江湖菜，贵阳牛肉粉同埋麻辣小当家，我都有一一捧场，今晚嚟到西环山市街店，场内同其它品牌旗下既舖头一样，一如以往地充满住讲普通话既食客，就知道呢个品牌既正宗值得我对佢一直挂念；十二味系列有一个特色，就系大部分思乡既食客都后生斯文，餐厅入面通常都不缺五官精致既美女，一间好食既餐厅，连食客都可以为餐厅增值。
今次山市街既呢一间十二味，系装修得最骨子既一间，门口两个大红灯笼高高挂，有一块红底黑字嘅牌匾写住无辣不欢，彷佛就系我人生嘅写照；呢间分店 走既系中式亭台楼阁风，极富高档中式食店既意味，一入门口就有店员安排我地坐喺一张十分舒适既卡位，卡位同卡位之间有屏风阻隔，提高私隐度，同啲FD子大声啲倾计都唔怕。
炝炒土豆丝，炝炒系川菜中对蔬菜类既一种好普遍既做法，所谓“炝炒”，就系用热油将花椒、干辣椒、蒜片既味道迫出嚟，等蔬菜入油之后再将呢股麻辣鲜香随即迫入食材里面，秘诀系锅热、油多、火猛，目的只有一个，就系令蔬菜保存住𠮶份水润清脆，令其既断生，又吸足味；土豆丝口感新鲜脆嫩，虽然被炝炒过，但系入口一啲都唔多油，呢啲就系厨师既功架。
极品麻婆豆腐，呢个麻婆豆腐系正宗既浓油赤酱，油虽浓但绝对唔会太腻，辣得嚟带少少甜，豆腐滑溜之余仲好有豆味，肉碎脂肪唔多，腌得极其入味，𩠌饭一流，连减紧肥既胖侣都忍唔住嗌咗碗白饭嚟𩠌。
十二味上上签，上上签有牛栢叶，鹌鹑蛋，窝笋，莲藕，午餐肉同埋海带，味道辣中带香，余韵悠长，𠮶种冲击带啲十二味经典香辣锅既影子。
川式口水鸡，口水鸡上布满香葱，芝麻以及花生碎，我觉得呢三样野都系呢碟口水鸡既灵魂，缺一不可；鸡肉尚算嫩滑，夹埋垫底嘅青瓜丝一齐食，口感更佳，以68蚊一碟嚟讲，份量绝对唔少，抵食。
经过一轮对味蕾既刺激，我俩带住满足既笑容离开，两个人埋单都唔洗三旧水，就有咁正宗美味既川菜，系性价比好高既一间餐厅；我哋走嘅时候大约七点，门口已经开始有人等紧位，唔想等位嘅朋友记得早啲到啊。
张贴
