九記海鮮小廚

营业中

休息中

今晚同屋企人出街食，始终长辈都系喜受食中菜，所以又黎左我地既饭堂食饭。其实平时屋企唔煮饭就会黎依度食晚饭，主要叫小菜食饭，简直系我地既饭堂 一般都要等一阵位, 因为实在太爆场, 老板都好友善叫我地等等。终于等左5分钟可以入座啦, 我地叫左四个小菜同四个白饭, 如果唔想食饭, 都可以叫白粥架!蒜蓉粉丝蒸扇贝: 扇贝大只到同手掌有得挥, 超多蒜蓉同粉丝捞埋白饭食一流椒盐鲜鱿: 炸得岩岩好, 皮薄唔多粉, 鲜鱿一咬就分开, 系依度既皇牌蒜蓉炒豆苖: 炒得好入味又多汁同份量好大碟豉汁蒸鳝: 豉汁多到可以捞饭食, 有少许陈皮碎, 鳝蒸得岩岩好, 肉质鲜嫩。依度除左哩几款之外, 蒜蓉粉丝蒸开边虾同咸旦蒸肉饼都系我既至爱。 此外, 老板都会依客人人数去预大中细既份量比客人自己选择想要叫几多份量。 所以想食多几款𩠌, 可以叫细碟D, 因为细碟份量我都觉得已够四个人食, 我叫左四个𩠌, 每人埋单都唔洗过百, 真系平靓正。