影片
更多
2021-09-12
2575 浏览
原来，好耐无约姨仔落嚟美孚饮早茶，睇番啲食评，原来亦好耐无嚟过呢一间「百乐门囍宴」饮茶，再者，「我的星期六美孚早餐」系列亦都喺好耐无写过，无写原因唔喺星期六无出街食早餐，只喺近排不外乎去开𠮶几间餐厅或快餐店，又真喺无乜好写。所以，今次就写番一篇早茶。虽然呢间「百乐门」加上「囍宴」二字，定位都喺搞酒席，不过，楼底矮，柱位亦多，虽则装修都做到富丽堂煌，不过，都喺予人一般嘅酒楼格局。再加上防疫措施，部份地方摆咗好多大隔板、大胶膜，感觉喺逼啲，幸而我哋3个人坐张四人枱，又晌正一个角落，感觉都会宽松啲。一次过影晒几张早市嘅点心纸俾大家参考，有唔少特价点心呀、孖宝呀……等等，选择十分之多，茶价收$9位，另收加一服务费就梗加唔使讲啦。榄角排骨蒸肠粉 $20.8平常大多数会叫吓鲜虾肠、叉烧肠、煎肠粉，不过，今日就无叫，因为一来见到有呢一款蒸肠粉，唔喺间间酒楼都一定有，二来贪其榄角排骨够惹味。榄角配排骨果然好味，不过，老婆就话排骨有啲肥，我嘅标准就叫OK啦，另外，啲蒸肠粉就唔喺好够滑啫，但整体都算OK嘅。金珠咸水角 $25.8老婆嘅钦点，因为喺姨仔至爱，一客有4个，比一般酒楼得3个为多，味道方面，咸水角
虽然呢间「百乐门」加上「囍宴」二字，定位都喺搞酒席，不过，楼底矮，柱位亦多，虽则装修都做到富丽堂煌，不过，都喺予人一般嘅酒楼格局。再加上防疫措施，部份地方摆咗好多大隔板、大胶膜，感觉喺逼啲，幸而我哋3个人坐张四人枱，又晌正一个角落，感觉都会宽松啲。
一次过影晒几张早市嘅点心纸俾大家参考，有唔少特价点心呀、孖宝呀……等等，选择十分之多，茶价收$9位，另收加一服务费就梗加唔使讲啦。
榄角排骨蒸肠粉 $20.8平常大多数会叫吓鲜虾肠、叉烧肠、煎肠粉，不过，今日就无叫，因为一来见到有呢一款蒸肠粉，唔喺间间酒楼都一定有，二来贪其榄角排骨够惹味。榄角配排骨果然好味，不过，老婆就话排骨有啲肥，我嘅标准就叫OK啦，另外，啲蒸肠粉就唔喺好够滑啫，但整体都算OK嘅。
金珠咸水角 $25.8老婆嘅钦点，因为喺姨仔至爱，一客有4个，比一般酒楼得3个为多，味道方面，咸水角嘅外皮唔太厚，入口够烟糯，而馅料调味得宜，最紧要又唔太油，绝对收货啦。
客家咸茶棵 $12.8呢款喺最平嘅特价点心，一客有3件，仲要大大个，只卖$12.8，晌酒楼食点心嚟讲真喺超抵。入口仲喺好够热辣，外皮软熟有韧性，内里有啲肉馅同菜脯，咸香惹味又有少少爽脆感，好食㖞。
酱皇蒸凤爪 $29.8跟住几款点心都喺正价嘢，所以，散点价喺唔太划算，但就喺老婆同姨仔想食嘅点心。蒸凤爪喺点心中嘅经典款式之一，又喺姨仔嘅心水。个酱汁调制得几香浓，凤爪蒸到腍透，垫底嘅花生亦好惹味。
柱侯金钱肚 $33.8老婆虽然依家食嘢偏素，但人总有喜好，金钱肚就喺其喜好之一，再者，继凤爪，金钱肚又喺另一道经典点心。金钱肚软腍带点点爽口，非常入味，充满柱候酱香，不过，份量真喺有啲少，下面仲例牌垫咗少少萝卜。
咖喱蒸土鱿 $33.8印象中，饮茶我哋都好少点呢一款点心，就算食车仔面亦好少点呢款𩠌，真喺唔知点解，其实，我都几钟意呢款港式嘢食。啲土鱿发得够透，口感软腍，而咖喱虽然喺港式𠮶种，但都推得好香。
蜜汁叉烧包 $29.8叉烧包又喺港式点心嘅另一经典，又喺唔多可以错过嘅点心，更喺饮茶嘅一份情意结。讲番个包，里面嘅馅料好够汁，味道又香浓，而叉烧咬落松化又惹味，至于包身，做得松软唔黏牙，足见师傅嘅手势稳定。
凤爪排骨饭（早茶蒸点饭孖宝$28.8）喺人都想拣啲平靓正嘅点心，当中嘅早茶蒸点饭孖宝就见枱枱客人都点，蒸饭拣咗凤爪排骨饭，虽然简简单单，份量都有碗几饭，加上凤爪、排骨嘅味道唔错，饭粒蒸得又分明，都无怪乎咁多人都嗌嘅！
家乡煎萝卜糕（早茶蒸点饭孖宝$28.8）老婆特别钟意食萝卜糕、芋头糕，所以，孖宝嘅点心就要咗家乡煎萝卜糕，老实讲，碟萝卜糕就无乜惊喜，叫做稳打稳扎，煎得香口，口感挺实唔削身，萝卜味十足，更有少少腊味混在其中。
今餐早茶越嗌越多嘢，叹咗个半钟有多，直情唔止喺早餐，当埋晏昼𠮶餐都有余。食到饱饱，就再行转短山上马骝山帮助消化。
张贴
