影片
更多
2020-08-14
2757 浏览
早前晌疫情未爆第三波之时，趁行完山过咗嚟「饶宗颐文化馆」嘅「悦满轩」食咗个下午茶，由上路行落嚟时发觉原来仲有家咖啡店「Pacific Coffee」开晌度（但佢门口会写住「Workshop Cafe」），住咁耐美孚都无为意，平常去「Pacific Coffee」通常都喺去曼克顿山嘅分店，够大够舒服。不过，近来疫情反弹，等老婆安心啲，就当行个短山，上嚟饶宗颐分店试试。「饶宗颐文化馆」早前做过隔离营，不过，查实都开放番一段日子，但就好少人知道，故极之少人上嚟，上次嚟已唔多觉有人，今次再嚟都喺好少人，环境非常幽静。原本都打算拣吓啲露天位坐，懒喺文青，之但喺斋坐唔郁都会标汗，所以，乖乖入番去凉吓冷气。走到店内，跟一般见到嘅「Pacific Coffee」格局无咩分别，所以，就唔多描述，大家睇相都知，但要讲嘅喺地方都几大吓。同个店员倾两句，佢话呢间店每日都喺得两、三枱客，所以，场内唔少座位都封起嚟，食物嘅选择选比其他分店少好。既来之，则安之，费事落番去曼克顿山分店。晌墙上，见到有好几款新产品推介，饮品方面，甚么云泡系列，好似几特别。而食物方面，店员话呢间店因客流问题供应唔到，所以，感觉有少少可惜
「饶宗颐文化馆」早前做过隔离营，不过，查实都开放番一段日子，但就好少人知道，故极之少人上嚟，上次嚟已唔多觉有人，今次再嚟都喺好少人，环境非常幽静。原本都打算拣吓啲露天位坐，懒喺文青，之但喺斋坐唔郁都会标汗，所以，乖乖入番去凉吓冷气。
走到店内，跟一般见到嘅「Pacific Coffee」格局无咩分别，所以，就唔多描述，大家睇相都知，但要讲嘅喺地方都几大吓。
同个店员倾两句，佢话呢间店每日都喺得两、三枱客，所以，场内唔少座位都封起嚟，食物嘅选择选比其他分店少好。既来之，则安之，费事落番去曼克顿山分店。
晌墙上，见到有好几款新产品推介，饮品方面，甚么云泡系列，好似几特别。而食物方面，店员话呢间店因客流问题供应唔到，所以，感觉有少少可惜。
咖啡云泡红豆奶茶 $42咖啡、奶茶一向喺小弟嘅喜好，呢杯变相「鸳鸯」就合晒我心水。面头一层咖啡云泡，底下又有不少红豆，比起一般咖啡制作工序都麻烦咗。先啜一口面层嘅咖啡云泡，入口顺滑绵密，咖啡味香醇，再继而饮啖以红茶制作嘅奶茶，唔差㖞，茶底幽香，够浓郁，有茶记嘅风味，加上粒粒清甜嘅红豆，都可以算喺完美组合。
咖啡云泡红豆奶茶
$42
9 浏览
0 赞好
0 留言
老婆就纠结于拣「抹茶云泡红豆乌龙奶茶」定「香蕉朱古力云泡燕麦奶配啫喱」 ，最后，都喺拣前者，因为佢觉得红豆都喺配抹茶会夹啲。外观就真喺好靓喇，一层叠一层，层次鲜明，面头嘅抹茶云泡真喺好得，抹茶嘅味道浓郁而带微甘，下面嘅奶茶以乌龙茶制作，茶香得嚟有份甘醇，配搭埋红豆粒粒，老婆大赞！
抹茶云泡红豆乌龙奶茶
$42
5 浏览
0 赞好
0 留言
我哋晌Pacific Coffee试过唔少佢哋嘅烤批或蛋批，印象中都甚有水准，所以，今次都选定其中一款食物为蛋批。批壳厚薄适中，因为翻热过，所以，口感仍做到松脆，批内填满芝士蛋浆、烟肉，而烟肉唔喺平常所讲𠮶啲薄薄一片嘅烟肉，可以讲喺一啲烟熏猪肉，所以，入口咸香不腻，整体食味一俗。
烟三文鱼配蛋沙律三文治 $23本应份三文治冻食喺应会好啲，但饮冻饮喺老婆极限，再嚟一份冻嘅三文治就可能对佢肠胃太大负担，所以，三文治就要求稍微烘暖。打侧睇就见到爆晒馅，蛋沙律本身已几浓厚，加上烟三文鱼嘅咸香，味道就更有层次。
外面天气热辣辣，而里面就凉朕朕，仲叹住杯冻饮，真喺唔舍得郁。加上清幽嘅环境，就当自己去咗旅行，晌啲小村落打紧趸。
张贴
