影片
更多
2017-12-25
450 浏览
好耐无写过「我的美孚星期六早餐」系列，虽然近乎个个星期六都专登出街食早餐，早前两公婆轮流小病，多数落「海皇」，否则就比较多去McCafe多，间唔时帮衬吓同区美字头、大字头嘅快餐店。今次，就唔同啲，打算入廸士尼玩，补祝老婆生日，所以，就一早轻松去「Pacific Coffee」叹咖啡食早餐，培养吓游乐嘅情绪。嚟得呢类咖啡店，就梗唔喺匆匆食个早餐就闪，所以，环境颇重要，个人就几钟意依间PC，因为地方够大，环境阔落，无论拣梳化椅，抑或木椅位，都感觉舒适。对比起万事达广场嘅「Starbucks」，环境确喺占优。一向喺鲜奶咖啡嘅粉丝，但走到柜枱睇睇有咩好食时，见有啲应节嘅圣诞新品咖啡推出，反正价钱跟其他饮品都喺差唔多，当然贪新鲜试一试啦！刚好新品有3款，其中1款冻饮无供应，剩低𠮶两款热饮就唔使多谂拣边样。顺便望埋食物柜，由于一早关系，选择齐全，不过，以早餐而言，都喺拣番热批窝心啲。咖喱素菜批 $28咖啡喺老婆喜爱嘅味道，素菜就更加啱佢，本应都对个素菜批有期待，不过，佢话个咖喱味未够突出，而小弟就嫌个批壳厚身咗啲，亦都唔够脆口。洋葱烟肉蛋批 $28我就拣蛋批，香啲嘛，反而个蛋批做得几好㖞，批壳唔算
嚟得呢类咖啡店，就梗唔喺匆匆食个早餐就闪，所以，环境颇重要，个人就几钟意依间PC，因为地方够大，环境阔落，无论拣梳化椅，抑或木椅位，都感觉舒适。对比起万事达广场嘅「Starbucks」，环境确喺占优。
一向喺鲜奶咖啡嘅粉丝，但走到柜枱睇睇有咩好食时，见有啲应节嘅圣诞新品咖啡推出，反正价钱跟其他饮品都喺差唔多，当然贪新鲜试一试啦！刚好新品有3款，其中1款冻饮无供应，剩低𠮶两款热饮就唔使多谂拣边样。
顺便望埋食物柜，由于一早关系，选择齐全，不过，以早餐而言，都喺拣番热批窝心啲。
咖喱素菜批 $28咖啡喺老婆喜爱嘅味道，素菜就更加啱佢，本应都对个素菜批有期待，不过，佢话个咖喱味未够突出，而小弟就嫌个批壳厚身咗啲，亦都唔够脆口。
洋葱烟肉蛋批 $28我就拣蛋批，香啲嘛，反而个蛋批做得几好㖞，批壳唔算过厚，脆口之余，批内填满洋葱、烟肉及芝士，香浓惹味，又有蛋香，暖呼呼，配咖啡真喺称心。
岩盐红桑莓松露朱古力 $42老婆唔太钟意咁多忌廉，所以，全走；咪睇见「松露」就以为喺有黑松露喔，哈哈！有食开朱古力嘅朋友都知有一种柔滑嘅朱古力款式叫「松露朱古力」，所以，呢杯热饮喺以依种朱古力开冲，故此朱古力浓香而幼滑，而且，加入岩盐（事后先知喺喜马拉雅山岩盐）、红桑莓糖粒，令味道层次丰富，但有一点奇怪，虽加入岩盐，老婆都仲喺觉得偏甜。
红桑莓松露朱古力牛奶咖啡 $42朱古力牛奶咖啡（Mocha）我都啱嘅，跟老婆𠮶杯其实差唔多，只喺多咗咖啡元素，此外，我呢啲瘦底梗喺唔怕忌廉啦。用上鲜红色嘅瓦杯，感觉就更加有节日气氛。先从边位饮一啖朱古力牛奶咖啡，朱古力跟咖啡味都几平衡，再将忌廉搅匀，口感更柔滑，而慢慢渗出红桑莓嘅酸甜味，整体感觉真喺几好㖞。
因为「曼克顿山」呢个楼盘前身喺九巴车厂，所以，依间PC都刻意挂咗啲怀旧九巴嘅相片，小弟唔喺巴士迷，但对部份旧式巴士都载有一份回忆，想起盛夏之时𠮶啲「热九」真喺几难顶。
一件蛋批，一杯咖啡，轻松嘅一顿早餐，虽然，老婆话食味未臻完美，但心情绝对良好。
张贴
