海景餐廳

营业中

休息中

1-6-2007 1943越简单的食物，越难整得好食。计家庭式全肉的小菜，系我心目中第1位是豉汁蒸排骨，第2位便是椒盐猪扒，它们好食与否，无论系新鲜、雪足「1世纪」或用「另外途径」取货，决定于调味或汁料。如自己出去茶餐厅食晚饭，必定选后者，前者已经死晒心，自己煮仲好。是日突然要落去开工，临上去前填肚，便早一个站落车，还记得村内除美心外，还有一两间茶记，就选了这间，正如上面讲，睇下椒盐猪扒整得好唔好，加埋一碗饭、一碗汤及冻啡，盛惠38蚊(其中5蚊系冻饮)。先上汤，今晚系粟米红萝卜猪肉汤，饮落唔会得个咸字，还有由材料所出的味道，应该冇落师傅，不错；冻咖啡谂唔到有埋咖啡粉系面，味道唔似一搬大排档或茶记所冲的，都叫做落本；主角终于上场，这里选择了蒜蓉、红椒丝及盐方法煮，第1步已合格，食落稍为硬左少少，但可以接受到，唔算干身，几野味，骨数目不多，不错。N年前食评已讲，最憎用辣椒酱或辣豆板酱，年几前系湾仔杜兰街虾面店对面间新钊记就系用呢个方法煮，以屋村茶记来说，这里绝唔似几十年如一日的格局，如系货柜码头又近荔景及有时间，这里也是一个好选择。