養心殿台式養生鍋 (已結業)

又系养心殿，每次讲打边炉，我都一定系拣养心殿。虽然价钱偏贵，但我觉得值的！每次黎都必点麻辣锅，今次拼美人锅。麻辣锅会送多份鸭血，系香港真系好少店既鸭血做得好味，养心殿既鸭血系不错的，口感好软滑，超惹味呢。美人锅，听个名都觉得好补，入面有乌鸡、红枣果啲，仲有桃胶，好岩女仔饮呢。打边炉之前通常都拎定个碗黎装汤饮！我地点左雪花肥牛、手打丸、冰菜、杂菜盆，同埋当然唔少得响铃。只可以话，每样都好高质，冰菜出面比较少见，好滑好爽口，口感非常特别呢，大家一定要试下！雪花肥牛脂肪分布均匀，一啲都唔UN，渌一阵就食得，赞！杂菜就有菇有粟米同菜，其实都几抵食。最后我仲唔理大家阻止，点左个乌冬LOL，其实用麻辣汤底煮乌冬系超级正，好惹味，最后佢地都要同我争食。依家Facebook打卡仲有饮品送，如果唔想食太贵可以拣宵夜时段黎，有折呢。