浪人日本料理 (已結業)

上星期日, 男朋友Book 左呢一间系M88既日本餐厅同我庆祝生日。呢度环境装修都几企理, 空间感几强, 坐得都几舒服。晚市都唔算好爆, 环境唔嘈吵, 几有气氛。餐牌上有好多菜式可以选择，寿司, 剌身, 串烧, 烧物, 锅物, 主食都有, 而且Drink List 都几多野拣, 花多眼乱。我生日当然系我发牌啦! 野食准备需时, 有枝豆做小食, 咬下咬下时间好快过。特上寿司($498)一共有十二件寿司, 当中有大拖罗, 吞拿鱼腩, 牡舟虾, 日本海胆同埋厨师发板8件寿司，配味噌汤。其实五百蚊有十二件真系几抵, 平时食OMAKASE 闲闲地都要一千. 寿司睇色泽都几新鲜, 今日厨师发既有金目鲷, 池鱼, 赤子, 梳子鱼, 平靖鱼, 鲭鱼等等, 食到好多平时自已唔会主动点黎试既鱼类。梳子鱼既口感好得意，爽口得黎好弹，味道偏淡味；海胆当然正，口感绵密，鲜甜味浓，正!全部刺身都好新鲜, 其中拖罗同池鱼真系好肥美, 好味到散叫再追加左一碟。西京银鳕鱼咁稳阵既菜式当然唔会有出错, 又香又嫩滑, 我最喜爱鱼类之一 !贪得意又叫左D串烧黎试, 烧牛粒好香口, 牛味浓郁~呢杯系美美的桃太郎, 好钟意佢既颜