影片
更多
2016-01-27
1558 浏览
睇左新假期个介绍，见到有火锅同蒸汽锅，只收138不加一即刻同女友黎试下！黎到先知，原来要加一，话过左新年先唔收，嬲嬲地，但算照坐唔通即走咩我特登黎嫁…坐底左，位置舒适又够大，加分！野饮款式拍得住酒楼又有7喜，加分！(食左一半见到有菜蜜，加完再加！！)食物枱干净，企理，加分！可以睇到厨师执料，加分！食物质素以任食黎讲几好，牛肉牛腱鱼腩都几好食，牛肉唔系一大堆甘整，见佢系好似自己屋企买一包个种系到拆，卫生之余又好新鲜啲。响铃系透明盒个只，个人觉得好食过黑盒个只；生根都系一包个种感觉新鲜啲有大蚬同劲大只既狮奄，前者好鲜甜海水味一流，后者普通。独家醉鸡翼好够味，有少少太咸，但好食关系每人食左五只haha。蒸火锅真系可以令某啲食材提升几个级数，例如牛、鱿鱼个啲，真系升级两倍；大蚬用蒸真系好正，啲海水汁系会鲜到连喉咙都感受到个种鲜甜味。不过某一啲食材就始终打边炉好过蒸，例如萝白、丸类、菜类、鱼类等。小弟好欣赏佢地牛羊鱼类个啲系要叫先有，因为普遍既任食浪费程度都好严重，走个阵睇过好多都无乜浪费，心都安乐啲。小tips：1. 醉鸡翼一定系要蒸，唔好打边炉！同埋唔好学新假期条女甘加garlic辣椒落去，
黎到先知，原来要加一，话过左新年先唔收，嬲嬲地，但算照坐唔通即走咩我特登黎嫁…
坐底左，位置舒适又够大，加分！野饮款式拍得住酒楼又有7喜，加分！(食左一半见到有菜蜜，加完再加！！)
食物枱干净，企理，加分！
可以睇到厨师执料，加分！食物质素以任食黎讲几好，牛肉牛腱鱼腩都几好食，牛肉唔系一大堆甘整，见佢系好似自己屋企买一包个种系到拆，卫生之余又好新鲜啲。
响铃系透明盒个只，个人觉得好食过黑盒个只；生根都系一包个种感觉新鲜啲
有大蚬同劲大只既狮奄，前者好鲜甜海水味一流，后者普通。
独家醉鸡翼好够味，有少少太咸，但好食关系每人食左五只haha。蒸火锅真系可以令某啲食材提升几个级数，例如牛、鱿鱼个啲，真系升级两倍；大蚬用蒸真系好正，啲海水汁系会鲜到连喉咙都感受到个种鲜甜味。不过某一啲食材就始终打边炉好过蒸，例如萝白、丸类、菜类、鱼类等。
小弟好欣赏佢地牛羊鱼类个啲系要叫先有，因为普遍既任食浪费程度都好严重，走个阵睇过好多都无乜浪费，心都安乐啲。小tips：
1. 醉鸡翼一定系要蒸，唔好打边炉！同埋唔好学新假期条女甘加garlic辣椒落去，因为会抢左醉鸡个味。
2. 蚬都系一定要蒸，除左鲜甜啲之外，最重要我见佢即刻买翻黎之后，唔会洗就甘俾客…
3. 大蚬响铃生根都属于争夺食材，手快有手慢无！
4. 小心地滑，员工好似唔系好识餐厅安全问题，所以拖完地唔识放小心地滑牌，有个人就跣到瘫瘫腰！
张贴
