影片
更多
2017-04-25
1447 浏览
「美孚下午茶餐」依个系列真喺好耐无出过，查返对上一篇已经喺2014年年初嘅事，一来少咗晌美孚食下午茶，二来食过几次又觉得无咩特别，都无乜好写。本来，最近开咗间新茶记「东霖小厨餐厅」，可能喺新开，多人多到不得了，所以，改咗去转个弯嘅「美味小炒茶餐厅」。晌「美味小炒茶餐厅」，下午茶都食过一次，但已经喺2012年嘅事。环境喺好街坊嘅茶记格局，地方细细喺逼夹啲，但胜在干净企理，以前食评都有讲，所以，今次就唔多提。讲番下午茶餐，最平就喺三文治或多士餐，$22-$28有交易，其他嘅碟头饭面餐或炒公仔面餐，定价为$34，例包热饮。虾酱干牛河 $34因为喺下午茶餐嘅缘故，份量比正常嘅碟头肯定细一截，不过，以下午茶嚟讲，够晒食啦。加入虾酱嘅干牛河送到上枱，宁舍香。牛河炒得够均匀，亦无炒到碎湿湿，添咗虾酱，更加咸香惹味。罗汉斋炒面 $34老细拣素食嘅碟头粉面，一喺佢，一喺就罗汉上素饭。个炒面睇样就似模似样，𩠌料都唔少，草菇、珍珠笋、竹笋、腐竹、木耳、白菜仔……等等埋满面，味道亦调校得清淡，只可惜太油，食到近尾，老婆话都要放弃。热奶茶、热柠水仲记得佢哋嘅奶茶喺唔错，虽未喺好丝滑咁，但茶底绝对芳香。老婆杯柠水
晌「美味小炒茶餐厅」，下午茶都食过一次，但已经喺2012年嘅事。环境喺好街坊嘅茶记格局，地方细细喺逼夹啲，但胜在干净企理，以前食评都有讲，所以，今次就唔多提。讲番下午茶餐，最平就喺三文治或多士餐，$22-$28有交易，其他嘅碟头饭面餐或炒公仔面餐，定价为$34，例包热饮。
虾酱干牛河 $34因为喺下午茶餐嘅缘故，份量比正常嘅碟头肯定细一截，不过，以下午茶嚟讲，够晒食啦。加入虾酱嘅干牛河送到上枱，宁舍香。牛河炒得够均匀，亦无炒到碎湿湿，添咗虾酱，更加咸香惹味。
罗汉斋炒面 $34老细拣素食嘅碟头粉面，一喺佢，一喺就罗汉上素饭。个炒面睇样就似模似样，𩠌料都唔少，草菇、珍珠笋、竹笋、腐竹、木耳、白菜仔……等等埋满面，味道亦调校得清淡，只可惜太油，食到近尾，老婆话都要放弃。
热奶茶、热柠水仲记得佢哋嘅奶茶喺唔错，虽未喺好丝滑咁，但茶底绝对芳香。老婆杯柠水都落足柠檬，无话下午茶餐就少一、两片。
晌美孚嘅茶记中， 「美味小炒茶餐厅 」算喺合我心水嘅茶记之一，不过，今次嘅下午茶餐，就好坏参半喇。
张贴
