影片
更多
2024-06-14
24 浏览
话说食力组组员其中一位系”好酒”女子，今餐由佢带我去呢度威威未入座，见到呢个清酒任饮宣传照: 男士$168/3小时清酒任饮，女士只需$98/3小时清酒任饮，写住超过35款日本酒任饮。抵㖞!侍应介绍返系呢个雪柜入面嘅日本酒限时内可以自由斟，自由饮。款式确系唔少。钟意边支就斟边支，见到”花邑”个名咁靓，就小试一回。超易入口，闷热天气饮冻清酒，爽呀。见到餐牌介绍呢个”二人前会席料理” ($880)，由沙律，寿司，刺身，烧物，炸物，主食至甜品都有，只需每项再选喜爱食材就搞掂。饮啖清酒，就由蟹肉蟹籽沙律打开今餐序幕。份量几对眼，蟹籽与青瓜丝”赋予”佢嘅爽脆度，加埋香滑沙律酱，稳阵之选。寿司任选八件，每款最多两件，易搞啦，咁就选四款大家都钟意食嘅。就赤贝，蜜柑鲷，金目鲷及松叶蟹肉。精致手握寿司，系赤醋饭，金目鲷肉身软绵，一口一件岩岩好。另一款松叶蟹肉趁紫菜变腍前都要赶快享用，一丝丝嘅蟹肉舖满饭上，食到鲜甜味。刺身类五款，每款2片，种类都偏向大路岩食之选。今晚之选系烟熏鲭鱼，赤虾，油甘鱼，帆立贝，赤身。比较特别系烟熏鲭鱼，入口确实食到烟熏味，无需点酱油都够味道。其他刺身都算厚切，呢旧帆立贝入口软绵绵
未入座，见到呢个清酒任饮宣传照: 男士$168/3小时清酒任饮，女士只需$98/3小时清酒任饮，写住超过35款日本酒任饮。抵㖞!
侍应介绍返系呢个雪柜入面嘅日本酒限时内可以自由斟，自由饮。款式确系唔少。
钟意边支就斟边支，见到”花邑”个名咁靓，就小试一回。超易入口，闷热天气饮冻清酒，爽呀。
见到餐牌介绍呢个”二人前会席料理” ($880)，由沙律，寿司，刺身，烧物，炸物，主食至甜品都有，只需每项再选喜爱食材就搞掂。
饮啖清酒，就由蟹肉蟹籽沙律打开今餐序幕。份量几对眼，蟹籽与青瓜丝”赋予”佢嘅爽脆度，加埋香滑沙律酱，稳阵之选。
寿司任选八件，每款最多两件，易搞啦，咁就选四款大家都钟意食嘅。就赤贝，蜜柑鲷，金目鲷及松叶蟹肉。
精致手握寿司，系赤醋饭，金目鲷肉身软绵，一口一件岩岩好。
另一款松叶蟹肉趁紫菜变腍前都要赶快享用，一丝丝嘅蟹肉舖满饭上，食到鲜甜味。
刺身类五款，每款2片，种类都偏向大路岩食之选。今晚之选系烟熏鲭鱼，赤虾，油甘鱼，帆立贝，赤身。
比较特别系烟熏鲭鱼，入口确实食到烟熏味，无需点酱油都够味道。
其他刺身都算厚切，呢旧帆立贝入口软绵绵，好想食多件呀。
串烧类黎讲，对于”牛系”系情有独中，所以好快就选择咗厚烧牛舌芯及安格斯牛肉各2串。
趁热唧上少少柠檬汁就开动，个人推介厚烧牛舌芯。好香牛舌味，厚切入口相当有满足感，又食到少少黑椒味，惹味惹味。而牛肉串入口有些少爆汁，肉味系有嘅。
三款海鲜类天扶良，友人唔食得虾，所以另加$20要咗鲍鱼天扶良
薄薄一层炸浆包住鲍鱼，入口带热度，唔韧可以一咬到底，炸完再淋上特制酱汁，甜甜地几好食。
主食加$50转食A5和牛寿喜烧，和牛肉大约2-3片，脂肪唔算太多。仲有豆腐 (略烧过)，鲜冬菇及蔬菜等
连埋两只标志性嘅生蛋用黎沾牛肉食，入口加倍滑口，两啖就轻松吞下。
呢碗大蚬味噌汤，连埋和牛寿喜烧一齐上埋，趁未食得和牛饮住先。味道清淡，饮完再增加饱肚感。
最后上埋甜品，系云呢拿雪糕窝夫呀。窝夫入口系脆热，配埋香甜雪糕，一热一冻，点可抗拒到呢?!
呢度环境优静，可以叹下酒，倾下计，食下烧物/炸物佐酒又得，点解我咁迟先发现呢度架?!
张贴
