海景軒

营业中

休息中

好多朋友都会好好奇，点解我生日会选择食中菜？系呀，其实我好钟意食中菜，特别系京沪菜。不过今年生日，我决定去「海景轩」，一间我等咗好耐都未试到既中菜厅。海景轩位于尖沙咀海景嘉福酒店B2层，虽然已经唔再系米芝莲一星餐厅，但依然非常受欢迎。餐厅以金色同酒红色布置为主，平日夜晚黎到出奇地热闹，都好满座既。餐台上除咗摆咗豆瓣酱同辣椒豉油，仲有好野味既榨菜豆卜。由于订位既时候已经落好餐单，所以食物都好快咁上台。第一碟位上既系招牌菜「冬坡扣酿肉」。唔系东坡肉，系「冬」坡肉；顾名思义就系用冬瓜代替传统肥猪肉，做成东坡肉既样。虽然冬瓜系夏天既食物，但呢个冬瓜菜式真系不得不试喔！然后有off menu菜式「酥香蛋皇肉」，以肥猪肉卷包住咸蛋黄再脆炸，非常腍滑；「万寿果牛肋肉」亦非常出色，肉厚肥美，用汁拌饭真系一流，值得推介呀！另外系手工招牌菜有「榄菜玉珠」，清淡得黎又不乏味道。「龙皇珊瑚煎米粉」，以蛋白，菜心头，蕃茄粒，东星斑肉做成芡汁，淋上底部煎得香脆既米粉饼，非常好食。当然唔少得最期待既甜品啦！黄金脆鲜奶、泮塘山楂卷、蛋白杏仁露，都是店方著名之作。黄金脆鲜奶食落似牛油多士包住炼奶；山楂卷酸酸的；蛋白杏仁