影片
更多
2021-08-01
612 浏览
油麻地早餐之日常3点解同样系茶记，有啲会愈做愈颓，有啲就愈开愈多分店？好明显嘢食嘅质素决定一切。「红茶」分店愈开愈多，食物嘅质素以茶记来讲，大部份食物都唔错，起码次次去食嘅味道都唔会特别参差。早餐 沙嗲牛肉面，炒蛋丹麦多士，冻咖啡$38榨菜肉丝米，炒蛋丹麦多士，热柠水$35每次我朝头早经过油麻地依间分店，都有人排紧队喺出边。坐喺到舖头入面嘅用餐嘅时间其实都系2,30分钟。比澳牛多10分钟咁大把🤷♂️依度最出色嘅系个沙嗲牛面嘅汁，炒蛋丹麦多士，冻咖啡。沙嗲牛肉入面嘅牛肉，真心唔好食，乸到烂晒嘅肉，食完都唔知食咗啲乜。不过讲真，30几蚊嘅牛肉你都要预咗唔方好得去边，所以我次次都会食净。除咗依样之外，其余样样嘢嘅质素都系中上水平。面正常，唔会太淋。炒蛋煮到好有蛋味，好嫩，比起牛奶公司冇咁咸，拌埋落件丹麦多士度一齐，味道好夹。杯冻咖啡我叫走甜，好饮，奶奶地。$38嘅价钱，以茶餐厅嘅质素，冇得输。喺香港食茶记嘅早餐，唔想谂咁多，去「红茶」都唔会衰得去边。「红茶」分店愈开愈多真系有佢嘅原因。至于点解屯门良景间「祥景」永远都离唔开良景邨，就算开咗分店都要执笠。迟吓我再开post讲吓「祥景」有几差，点
点解同样系茶记，有啲会愈做愈颓，有啲就愈开愈多分店？好明显嘢食嘅质素决定一切。
「红茶」分店愈开愈多，食物嘅质素以茶记来讲，大部份食物都唔错，起码次次去食嘅味道都唔会特别参差。
早餐
沙嗲牛肉面，炒蛋丹麦多士，冻咖啡$38
榨菜肉丝米，炒蛋丹麦多士，热柠水$35
每次我朝头早经过油麻地依间分店，都有人排紧队喺出边。坐喺到舖头入面嘅用餐嘅时间其实都系2,30分钟。比澳牛多10分钟咁大把🤷♂️依度最出色嘅系个沙嗲牛面嘅汁，炒蛋丹麦多士，冻咖啡。
沙嗲牛肉入面嘅牛肉，真心唔好食，乸到烂晒嘅肉，食完都唔知食咗啲乜。不过讲真，30几蚊嘅牛肉你都要预咗唔方好得去边，所以我次次都会食净。
除咗依样之外，其余样样嘢嘅质素都系中上水平。
面正常，唔会太淋。
炒蛋煮到好有蛋味，好嫩，比起牛奶公司冇咁咸，拌埋落件丹麦多士度一齐，味道好夹。
杯冻咖啡我叫走甜，好饮，奶奶地。
$38嘅价钱，以茶餐厅嘅质素，冇得输。
喺香港食茶记嘅早餐，唔想谂咁多，去「红茶」都唔会衰得去边。
「红茶」分店愈开愈多真系有佢嘅原因。
至于点解屯门良景间「祥景」永远都离唔开良景邨，就算开咗分店都要执笠。
迟吓我再开post讲吓「祥景」有几差，点样可以做到有人龙排队，但野食可以愈做愈衰格。
Mcmug综合评分：7.5/10，外卖分汤上会收多$3，都系堂食算🌚🌝
Mcdull 综合评分：7/10，对于茶记冇太大兴趣
张贴
