食鮮

营业中

休息中

难得两公婆撑枱脚，睇见店名叫食鲜，应该新鲜挂，开左咁耐都未试过，谂住试吓啦，叫左个牛仔骨套餐$78同埋三文鱼带子丼$78，个牛仔骨唔知系用老抽腌定系烧㶶左，仲淋上烧汁黑妈妈，三文鱼带子丼就普通啦，我食左少少三文鱼，唔算难食，散叫左个日本一口牛$22一串，好似揸左啲类似沙嗲汁嘅嘢，掩盖晒啲牛味，另外叫咗个独家炸蒜烧美国生蚝$48/2只，我就唔系好觉个生蚝上面有炸蒜喇，仲要出哂水咁，一定要讲下嘅就系𠮶条盐烧马友鱼，我见＄98一条谂住平平哋试吓啦，点知条鱼上枱已经闻到腥味，打开个鱼腩佢居然真系成条鱼净系落盐斋烧，如果条鱼新鲜嘅话应该系好食嘅，但系佢呢条鱼真系唔系咁新鲜啰，葱都唔落条，不过佢啱嘅话明系盐烧丫嘛，呢间食店到底好唔好食，大家自己睇相啦！埋单食咗四百几，我就觉得唔值啰！P.S. 所有相片都系食物上枱5分钟内拍摄，亦都无执过相。